Canadami savilersorsimasorineqartut aappaat tigusaatsiaareerluni toqusoq

Canadami savailersorsimasorineqartut aappaat, Myles Sanderson, politiinit ippassaq pingasunngornermi tigusaatsiareerluni napparsimmavimmi toquvoq.

Allattoq Ritzau

septembarip 08-at 2022 08:20

Nutserisoq Mads Lynge

Canadami sapaatiummat savilersorsimaqataasutut pasineqartoq Myles Sanderson toquvoq.

Canadami nunap immikkoortuani Saskatchewanimi politiit tamanna uppernarsarpaat.

Angut 30-nik ippassaq pingasunngornermi tigusarineqarpoq. Taanna savilersorsimasorineqartut marluusut aapparaat. Inuit qulit savilersortoqarnerani toqutaapput, allallu 18-it ikilerneqarlutik.

Sanderson tigusaatsiareerluni iluaallermat napparsimmaviliaanneqarpoq. Toqusutut tassani kinguninngua nalunaarutigineqarpoq.

AAMMA ATUARUK Canadami politiit savilersorluni toqoraanermi pasineqartup timaa nassaarigaat

Savilersorluni saassussineq James Smith Cree Nationimi pivoq. Inuit Canadami nunap inoqqaavineersut 3400-t missaat tassani najugaqarput.

Angutit saassussisimasorineqartut aappaat 31-nik ukiulik, Damien Sanderson, toqungasoq ataasinngormat nassaarineqarpoq. Pasisat marluk taakku qatanngutigiipput.

Qatanngutigiinni nukarliup angajuni toqussimaneraa misissorneqartoq, politiit siusinnnerusukkut nalunaarutigaat.

Saassussisoqarneranut suna pissutaanersoq oqartussat suli nalunaarutiginngilaat.

Nutaarsiassami kukkunermik nassaarsimaguit uunga allaffigineqarsinnaavugut.