Coronapassip atorunnaarnera nujalerisup nuannaarutigaa: Oqarasuaat ingerlaannaq sianilerpoq
Neriniartarfinni sutorniartarfinniluunniit pisiniartillutit akiuussusertissimanermut uppernarsaativit takutinnissaanut mobiilerni nuisinniartarnera arriillisinnaasartoq qatsuppiuk? Immaqaluunniit akiuussusertissimannginnavit arlalinnut iseqqusaasannginnerit qatsuppiuk?
Tamanna qaangiuppoq. Nunarpummi tamakkerlugu manna atuukkunnaarpoq – tamanna nujaleriffiutillip Arnannguaq Therkelsenip nuannaarutigaa.
Taassuma nujaleriffiutaa Nujaleriffik Salon Event Nuummiippoq.
AAMMA ATUARUK Nuna tamakkerlugu coronapassi atorunnaarpoq
- Iluaq imaallaat suliassaqaqqinnerulaalissaagut, taanna oqarpoq.
Tassanngaannaq aalajangiisoqarnera malunniuttoq
Tassalu akiuussusertissimanermut uppernarsaatip takutittariaarunnera nalunaarutigineqaannartoq killortinniarlutik inniminniisut siarngutilereersut taassuma oqaatigaa.
- Tassanngaannaq aalajangiineq malugivara. Soorlu killortittussaagalui sianertariaqarlutik kapitinnikuunnginnamik. Taava ilai aperisarput kapitinnikuunatik killortinnissaat ajorinnginneriga, kisianni uanga inatsisit malittariaqarlugit, Taanna oqarpoq nangillunilu:
- Ilai soorlu tunillatsissimanermut uppernarsaammik pisimanngeriaramik ataqqinnillutik agginngiinnartariaqartarput. Ilai aggertarput, taanna unamminalaarpoq. Taavalu uanga inatsisit malittariaqarakkit soorunami taanna unamminalaarpoq.
Taassuma akiuussusertissimanermut uppernarsaatip takuteqqaartarnissaanut maleruagassaq akerlerinngilaa, maleruagassallu tamaasa malissimallugit, Arnannguaq Therkeldsenip naqissuserpaa.
Assi: Marie Kuitse Kristensen, KNR
Tikkili Berthelsen uani takusinnaavarput killortittoq. Taanna coronap tuniluutileruttorfiata nalaani nujaleriffiliarsinnaannginnermi nalaani imminut killorsimagaluarpoq.
- Iluaq, imminut kingullermik kipinikuugama. Coronap nalaani suna tamarmik killeqariarmat, killortittarfikunnillu matoqqasoortarlunga. Maannakkut sianerama aggeqqoriarmanga aggerpunga, iluaqaaq.
- Soorlu suna tamarmik ammaassaq inummut. Iluaqaaq aamma soorlu kiffaanngissuseq eqqarsaatigissagaanni, soorunami qanermut assiaqut atoraluarluni periarfissarpassuarnik ammaassivoq.
Restriktioner i Grønland – helt kort
- Coronapasset er droppet fra 4. februar i hele landet.
- Du skal have mundbind på, når du:
- ... Er i lokaler med offentlig adgang (butikker, kirker, biblioteker, restauranter og så videre).
- ... Når du kører i bus og taxa.
- Restauranter, barer og værtshuse må kun lukke halvdelen af det antal gæster ind, som lokalet er godkendt til.
- I Østgrønland er det slut med både coronapas, mundbind og med kun at lukke halvt så mange ind, som der er plads til.
- Frem til 9. februar er der forbud mod salg af alkohol i Kommuneqarfik Sermesooq, kommune Qeqertalik og Kommune Kujalleq.
Rejser fra Danmark - Fra 26. januar skal du ikke længere vise en negativ test ved checkin i Kastrup. Testkravet ved indrejse fra Danmark bliver simpelthen droppet.
I Østgrønland er restriktioner droppet
Det er ikke alle restriktioner, der er droppet: Du skal stadigvæk have mundbind på, og restauranter og barer må stadig kun lukke halvdelen af det antal gæster ind, som lokalerne er godkendt til.
Oqartussat oqarnerattut nunatta annersaani coronamik tunillaassuineq annertuvoq. Tunillatsittulli qasserpiaanersut ilisimaneqanngillaq.
Inuit peruluttut kisiisa PCR-imik maannakkut missorneqartarput. Inuit sinneri angerlarsimassapput peqqissinissartillu utaqqillugu, peqqissisutullu immimut nalunaarutigalutik. Tamanna misissuisarfiit peqqinnissaqarfiillu malinnaasinnaajunnaarnerannik pissuteqarpoq.
Tamaammat inuit tamarmik misissorneqarnissaat coronamik nunatsinni akiuinermi atorunnaarpoq. Inuppassuillu PCR-imik misissorneqanngikkunik, napparsimmavimmukassanngikkunik nakorsiartarfimmukassanngikkunillu tunillanneqarsimasorpassuit nalunaarsorneqarneq ajorput.
- Tuniluuppallaarunnaariartornera takusinnaallugu maanna oqaatigisinnaavarput, Nakorsaaneq Henrik L. Hansen oqarpoq.
AAMMA ATUARUK Tamaat isigalugu: Coronavirus pillugu killiffik
- Pisarnermit ulapputeqannginneroqaagut, politimesteri Bjørn Tegner Bay oqarpoq.
- Suliat assigiinngitsut sapaatip akunnerata naanerani 207-iupput. Ukiup siulianit sanilliullugit suliatta amerlassusaasa affaaraat. Angerlasimaffinni eqqissiviilliornerit nuna tamakkerlugu quliupput. Imigassamillu aalakoornartulimmik imigassartorfiusunut attuumassuteqartut suliagut ikinnerujussuupput, tamannalu coronamik unammilligaqarnitsinnut suliassatta ikinnerunerat oqilisaataasorujussuupput.
Kommunini pingasunik imigassanik aalakoornartortalinnik matusigallarneq februaarip qulingiluaa ilanngullugu atuutissaaq.
