Dronningi oktobarimi tikeraarnerminut qujasoq
Dronning Margrethe ukiutoqqami oqalugiareerpoq, nunatsinnullu nuannersumik oktobarimi tikeraarnerminut qujalluni.
Juulip ulluisa 24-aninngaanniit aggustip ulluisa tallimaanut tikeraarnissaa pilersaarutaaqqaaraluarpoq. Coronavirusili tuniluummat, tikeraarnissaa kinguartinneqarpoq.
- Tikeraarnissaq amerlasuunik pisoqarfiusussatut pilersaarusiugaaqqaartoq ilanngarterujussuaqqaarlugu aatsaat ukiakkut naammassineqarpoq, dronningi oqalugiarnermini oqarpoq, nangillunilu:
AAMMA ATUARUK Aputeqanngitsumi ukiortaarsiorneq – imatut qummoroortassaatit
- Oktobarimili ullut ikikkaluartut nuannersunik misigisaqarfiupput, taamaattoqarneranullu uummammik pisumik qujavunga. Sumi tamaani kissalaartumik ajunngisaartumillu naapinneqartarpunga, tamannalu killitsissimassutigisarpara. Ullunut misigisaqarfiulluartunut qujarusuppunga, Kalaallit Nunaanniittullu tamaasa ukiortaami ajunnginnerpaamik kissaallugit, dronningi oqarpoq.
Dronningip oqalugiaataa tamaat uani atuarsinnaavat.
Naalakkersuisut siulittaasuata, Múte B. Egedep, ukiortaami oqalugiaataa aqagu unnukkut nalunaaqutaq arfineq-pingasunut tv-kkut raatiukkulluunniit tusarnaarsinnaavat.
