Iranimi toqumut eqqartuussisoqaqqittoq
Iranimi inuppassuit akerliussutsimik takutitsinerannut atatillugu angut toqutassanngorlugu pineqaatissinneqarpoq.
Iranimi kisermaassillutik aqutsisunut akerliussutsimik takutitsinerit aallartipput, arnaq 22-nik ukiulik, Mahsa Amini, Iranimi politiinit nakkutigineqartilluni siorna aggustimi toqummat.
Iranimi kisermaassillutik naalakkersuisunut akerliussutsimik takutitsinernut atatillugu maanna inuit 18-it toqutassanngorlugit eqqartuunneqarput.
Pisortatigoortumik ilisimaneqarluartut arlaqartut tigusarineqarput sakkortuumillu pineqaatissinneqartussaallutik.
AAMMA ATUARUK Aviisi: Tuluit Nunaata Iranimi Revolutionsgarde peqqarniisaarniartutut nalunaarutiginiaraa
Takunnittut oqaluttuarput toqutassanngorlugit pineqaatissinneqartut qiminneqarnerisa kingorna kraaninut nivinngarneqartarsimasut, tamannalu inuppassuarnut ernumalersitsisartut eqqissiviilliortunullu akuliunnaaveersaartitsillutik.
Akerliussutsimik takutitsinerit aallartinneriniit ikinnerpaamik toqungasut timaat sisamat kraninut nivinngarneqarsimapput.
Akerliussutsimik takutitseqataasimasut marluk arfininngormat toqutaapput, taakkua Iranimi naalakkersuisut sakkutuujutitaanik toqutsisimasutut pasineqarlutik.
Inuit pisinaatitaaffiinik suliniaqatigiiffimmit, Amnesty Internationalimit, oqaatigineqarpoq, inuit 26-t toqumut eqqartuunneqarnissaat pilersaarutigineqarsimagaluartoq.
