Hans Egede serlersaarfigineqaqqittoq
Taamatut pisoqaqqittoq: Hans Egedep eqqaassutissaa nuutoqqamiittoq aappaluttumik qalipanneqaqqippoq.
Kalaallit Nunaanni politiit Hans Egedep eqqaassutissaa aappaluttumik qalipanneqarsimasoq ullumi nalunaarfigineqarput.
- Nalunaaqutaq 10.47 nalunaarfigineqarpugut, politikommissæri Hans Peter Berthelsen KNR-imut oqarpoq.
Innuttaasut ilaat eqqaassutissaq sanioqqussimallugu politiinut nalunaaruteqarpoq – politiit maanna serlersaartoqarsimaneranik suliamik misissuiffigalugu aallartippaat.
Suliaq pillugu politiit oqaaseqarusunngillat.
Eqqaassutissaq aatsaat siullermeerluni serlersaarfigineqanngilaq, siornatigummi serlersaarfigalugu qalipanneqaqqaarnikuuvoq. 2020-imi Inuiattut ullorsiornitsinni aamma qalipanneqarnikuuvoq. Taamani Hans Egedep palasitut atisaa inuit kakioriaasii ilaarlugit qalipanneqarpoq. "decolonize"-mik, tassa "nunasiaajunnaarneq"-mik allanneqarsimasoq Nuummiunit ullaakkut siumorneqarpoq.
Taamani nunarsuarmi innuttaasunut aalassatsitsingaatsiartumik aamma pisoqarnerata nalaani taamaaliortoqarpoq. Taartumik amilik politiimit toqutaasoq pillugu nunarsuarmi illoqarfippassuarni akerliussutsimik takutitsisoqarpoq.
Serlersaarisoqarnerata kingorna oqallittoqangaatsiarpoq, taamali Danmarkip Kalaallit Nunaannut kulturikkut ileqqunullu naqisimannissimaneranik innuttaasut kamallutillu isummersungaatsiarput.
Serlersaanerup nunasiaajunnaarnissaq, Danmarkimut ataneq, danskit naalagaanerat, kulturiat ileqquilu pillugit oqallinnerujussuaq aallartippaa, aasap sinnera ingerlasoq.
Hans Egedep eqqaasitissaani serlersaarisoqarnerani tamatumuuna “live laugh landback”-imik aappaluttumik allattoqarsimavoq.
Landback sorsuutiginninneruvoq
Landback tasssaavoq nunanik USA-mit Canadamillu nunasiarineqarsimasunik nunat inoqqaavisa naalakkersuinikkut aningaasarsiornikkullu oqartussaaffiginileqqikkumallutik sorsuutiginninnerat.
Assiliisoq: Ane-Marie Petersen/KNR
2020-mi serlersaarfigineqarmat suliaq qulaajaaffigineqarnikuunngilaq. Inuusuttulli sisamat – angutit marluk arnallu marluk pasineqarput. Taakku eqqaassutissap serlersaarfigineqaqqammiinnartoq pisuutinneqarput.
Taakku pinerlunneq pillugu inatsimmik paragraf 46 naapertorlugu eqqaassutissamik kanngunarsaasimasutut assigisaannilluunniit iliuuseqarsimasutut pasineqarput.
Taakku sisamat tamarmik pisuunnginnerarput.
AAMMA ATUARUK Hans Egede malunnartinneqassanngitsoq: Sianiilliornerullunilu eqqortuliorneruvoq
- Ilisimannittut naalagaaffeqatigiinnerup avataaniittut apersussagaanni nunat allat pisortatigut oqartussaat aqqusaartariaqarput.
Sooq nunamut ilisimannittup najugaanut sianertoqaannarsinnaanngila taannalu oqaloqatigiumallugu?
- Nunat assigiinngitsut pisortatigut oqartussaasa akornanni suleqatigiinneq isumaqatigiissuterpassuarnik tunngaveqarpoq. Allaat naalagaaffeqatigiinnerup iluani inatsisit assigiinngissuteqarput, taamalu suliat ilaatigut pisariusinnaallutik, Morten Nielsen oqarpoq.
Tassa ingerlariaqqinnissamut pingaarluinnartuuvoq?
- Nassuiaat pisariaqavipparput pisup tamakkiisumik isigisinnaanissaa pillugu.
Ilisimannittoq taanna attaveqarfigineqarsinnaanngippat qanoq pisoqassava?
- Taava killiffimmiit naliliilluta isummissaagut..
Qanoq sivisutigisumik misiliiniarpisi? Massakkummi sivitsorpoq?
- Isumaqartillugu misiliiuassaagut. Qanoq ilinersoq naammannersoq naliligassaasarpoq. Suli tassunga killinngilagut.
Hans Egedemut eqqaassutissaq aatsaat serlersaarfigineqanngilaq.
Eqqaassutissaq siullermik 1973-imi qalipaammik aappaluttumik kuineqarpoq, ukiullu ingerlaneranni arlaleriarluni assigisaanik serlersaarfigineqartarpoq.
