Hvideruslandimi qullersanngortitsisoqartoq sakkutuuilu sungiusartut

Hvideruslandimi nutaamik nunanut allanut tunngasunut ministerinngortitsisoqarpoq aamma sakkutut timmisartartut pisortartaarput.

Taama pisoqarpoq, Hvideruslandip Ukrainemut sorsoqataalernissaa nunat killernit arlalinnit Ukrainemiillu ernummatigineqaleruttornerani.

Hviderusland Ruslandip Ukrainemut sorsunnerani nunat Ruslandimut illersuinut ilaavoq.

Hvideruslandimi nunanut allanut tunngasunut ministeriusimasup tullersortigisimasaa, Sergei Aleinik, taamaalilluni nunanut allanut tunngasunut ministerinngortinneqarpoq.

AAMMA ATUARUK Hvideruslandip illersornissaqarfia sakkutuuminik annertuumik sungiusartitsilersimasoq

Sakkutuut timmisartortartuini qaffasinnerusumik aamma atorfinititsisoqarpoq.

Andrei Lukyanovich sakkutuut timmisartortartuini pisortamut tullersortaajunnaarluni pisortanngortinneqarpoq.

Hvideruslandimi atuuffinni pisortanngortitisinerit saniatigut sakkutuut sungiusartinneqalerput sorsuttoqalissagaluarpat.

Hvideruslandip præsidentia, Aleksandr Lukasjenko, upalungaarsimasuutitanik nakkutiginnittoqarnissaanut peqqussuteqartuuvoq.