IA Sermersuumi: Misissortinnissamut pissutsit naammaginarunnaarput
Nuummi misissortiffimmut utaqqisut amerlavallaaqaat, aamma misissortinnermiit akissutit sivisuallaamik utaqqineqartarput.
Taamaattumik Nuummi Inuit Ataqatigiit immikkoortoqarfiat Kommuneqarfillu Sermersuumi kommunalbestyrelsemut ilaasortaatitai isumaqarput oqartussat allanik periarfissarsiortariaqartut.
Assersuutigalugu tusagassiorfinnut nalunaarummi partii siunnersuuteqarpoq Arktisk Kommando aperineqarsinnaannginnersoq ikiuuteqqullugu illoqarfiit pingaarnersaanni misissortittarfimmik nutaamik pilersitsinikkut.
Illoqarfimmi politimerit isumaqarput illoqarfimmi missortittarfituaq timersortarfik Inussiviknaammanngitsoq.
- Sukkaqisumik tuniluunneq, missueriaaseq, akissuteqarneq pisunillu oqartussaasut isumaginninnerat Nuummi Kommuneqarfik Sermersuullu inoqarfiini allani innuttaasunit amerlasuunit toqqissisimanartinneqanngilaq naammagitaalliuutigineqarlunilu. Tamanna aamma pitsaanerusumik ingerlanneqartariaqarpoq.
Juaaka Lyberth, Sermersuumi IA-p gruppianut siulittaasoq aamma Nuummi IA-p immikkoortuani siulittaasoq, Ove Karl Berthelsen, ataatsimut tusagassiuutinut ataatsimut nalunaarummmi taamma allapput.
Sukkasuumiik misissuutit usuup puuisulli akeqanngitsut
Utaqqisorpassuit ikilisarniarlugit Naalakkersuisut sapaatip akunnera kingulleq siunnersuuteqarput angerlarsimaffimmi sukkasuumik misissuisoqarsinnaasoq.
Sukkasuumik misissuut ataaseq koruuninik 40-nik akeqarpoq, Naalakkersuisullu nalunaarutaat siornatigut peqqinnissamut nalakkersuisoq, Anna Wangenheimimik Demokraatineersumik aarlerilersitsivoq.
Taannami isumaqarpoq imaanngitsoq kikkut tamarmik pisiniarfinni sukkasuumik misissuutinik pisinissaminnut akissaqartut.
AAMMA ATUARUK Peqqissutsimut naalakkersuisuusimasoq: Kikkut tamarmik sukkasuumik misissuutisisinnaanngillat
Aarlerineq taanna Nuummi Den bekymring bliver bakket op af Inuit Ataqatigiit immikkoortoqarfiata aamma Sermersuumi IAp gruppiata isumaqatigaat.
- Sukkasuumik misissuutip misissuiffimmi utaqqisut ikilisissappagit sukkasuumik mimsissuutit innuttaasunut akeqanngitsumik neqeroorutigineqartariaqarput.
Partiip siunnersuutigaa peeqqinnissaqaefiup misissuutit akeqanngitsumik tunniuttassagai, soorlu aamma usuup puui taamaattut.
Toqqaannartumik oqalutsit malinnassinnaanngillat
Pingajussaattullu aamma attaveqaqatigiinneq pitsaanerusinnaavoq, partii isumaqarpoq.
- Kiisalu Sermersuumi Iap gruppia aamma NIA isumaqarput oqartussasunit aamma politikikkut sammisalinniit attaveqaqatigiinnerit massakkornit pitsaanerujussuusinnaasut. Paasissutissat naatsut, erseqqissut inuinnarnullu paasissaasut saqqummiunneqarsinnaaasariaqarput, nalunaarutinut takisuunut ersernerluttunut paasissutissanik amerlasuunik ataatsikkut imalinnut taarsiullugit.
IAp siunnersuutigaa tusagassiortunut katersortitsinerit marluk ingerlanneqartassasut, aappa kalaallisut aappaalu qallunaatut. Massakkutut itsillugu tusagassiortunik katersortitsinermi toqqaannartumik oqalutsit malinnaasinnaanngillat, taamaattumillu paasissutissat ilarpassui annaaneqartarput.
