Ilulissani taxartitsisoq ujajaaffigineqarmat angutit marluk politiinit ujarneqarput

Ilulissani taxartitsisoq angutinit marlunnit arfininngornerni unnukkut ujajaaffigineqarpoq.

Ujajaasoqarnera pillugu Kalaallit Nunaanni politiit arfininngornermi unnukkut  qulit missaanni nalunaarfigineqarput. Kalaallit Nunaanni politiit taama nalunaaruteqarput.

Ujajaasoqarneranut atatillugu angutit marluk politiinit ujaarineqarput. 

Angutip aappaa 30-it 35-it tungaanut ukioqarpoq kalaallisut isikkoqarluni.  Taanna 165 centemeterit missaanni angissuseqarpoq saluttuusinnaavoq aamma nalinginnaasumik timaa iluseqarluni.  

Qernertumik nasaqarpq taartumillu qalipaatilimmik jakkeqarluni.   Angutip aappaa aamma kalaalisut isikkoqarpoq aapparminik ukiukiunnerulluni taannalu tungujortumik qalipaatilimmik jakkeqarpoq.

Angutit marluk pasineqartut taxartitsisup aningaasaataanik arsaarnniarlugu qunusaarpaat, Ilulissanilu aqqusernermut  Nammaarfimmut qimaallutik 

Taxartitsisoq pisumut tupaqqavoq, Kalaallit Nunaani politiini pigaartoq Søren Bendtsen KNR-imut oqaluttuarpoq.

Ujajaasoqarneranut atatillugu politiit annertunerusumik paasissutissiisinnaanngillat pisoq paasiniarneqarmat.

Ujajaasoqarneranut atatillugu Ilulissani innuttaasut takunnissimasut pisumulluunniit ilisimasaqartut politiinit attavigineqarusupput. 

Politiini pigaartunut saaffiginnittoqarsinnaavoq, oqarasuaammut 70 14 48-mut.