Immiaarallersinnaanngitsunut ikiorsiissutissat

Sapaatip akunnera siuliani inuussutissarsiornermut ikiorsiissutissat marluk pilersinneqarput.

Taaneqartaarput ”50-pakken” aamma ”Vinterpakken”.

50-pakken suliffeqarfinnut, pingaartumik neriniartarfiit imerniartarfiillu akuerisaasumik isersimasinnaasut affaannaannik isertitsisinnaasunut ajunaarutimik taarsiiffigineqarnissaannut atorneqassaaq.  

Naalakkersuisut tusagassiuutinut nalunaarummik allapput ikiorsiissuutissaq 5. januarimiit pereersunut atuulluni aamma 5. apriiliugallartumut atuuttoq, imaluunniit killilersuutit atuukkunnnaarnissaannut. Killilersuutit aqagu sisamanngornermi atuukkunnaassapput.  

AAMMA ATUARUK Sulisitsisut ikiorsiissutit pillugit: Pitsaavoq, kisianni piffissaq sivisuallaartoq atorneqarpoq

Ikiorsiissutissat aningaasartuutinut aalajangersimasunut isertitassanullu annaasanut akuerisaasumik isersimasinnaasut affaannaannik isertitsisinnaagaanni matusissutissatut atorput. Aamma pisussatut pilersaarutinut taamaatiinnartariaqartunut matussutissanik qinnuteqartoqarsinnaavoq.  

Akiliisinnaajunaarnissaq qanillisimagaanni aningaasatigut ajornartoornermi matussutissanik qinnuteqartoqarsinnaavoq. 

Imigassanik matusinermut ikiuutissat 

Ikiorsiissutissat aappaat taaneqartoq Vinterpakken, tassaavoq suliffeqarfinnut imigassat matuneqaqarneranni imigassarlersinnaanngitsunut atugassaq. Aamma imerniartarfiit neriniartarfiillu nalunaaqutaq 22-miit 05-imut matoqqasussaaffianni matoqqasunut naatsorsuussaavoq.

Qeqqata Kommunia januaarimi siullersaalluni imigassamik matusivoq, taavalu Sermersooq, Kujalleq aamma Qeqertalik qaammatip ingerlanerani malinnaapput. Matusineq nunami tamarmi sisamanngornermi atorunnaassaaq.

Ikiuutissat kingunerisaannik suliffeqarfiit killilersuutinit eqqugaasuni kommuuniniittut qinnuteqarsinnaapput aningaasartuutinut aalajangersimasunut ajornartoornermilu aningaasanik atornissamut.

Qeqqata Kommuniani imerniartarfinnut assigisaannullu piffissaq 11. januaarimiit 1. februaarimut qinnuteqaataasinnaavoq.

Kommuneqarfik Sermersuumi aamma Kommune Kujallermi 26. januaarimiit 9. februaarimut qinnuteqaataasinnaavoq.

Kommune Qeqertalimmi 27. januaarimiit 9. februaarimut.

Inatsisartut Aningaasaqarnermut Akileraarutinullu ataatsimiititaliaat naapertorlugu Naalakkersuisut coronamut ikiorsiissutissanut 10 milliuunit koruuninik atuinissaannut akuerineqarput. Tallimanngormat kingullermilli KNR-ip misilissimavaa paasiniarlugu aningaasat sumit tiguneqassanersut. Inuussutissarsiornermut Naalakkersuisoqarfimmik imaluunniit Naalakkersuisunit akissutisineq ajornarsimavoq.   

Suliffeqarfinnut namminersortunut akissarsianik taarsiineq 

Ataasinngormat ikiorsiissutissat nutaat takkupput. Taanna taaneqartarpoq Arbejdsmarkedshjælpepakke/Suliffeqarfeqarnermut ikiorsiissutissanik.

Taanna qinnutigineqarsinnaavoq suliffeqarfittut killilersuutit pissutigalugit matoqqasimagaanni, imaluunniit sulisorisat corona pissutigalugu angerlartinneqartariaqarsimappata.

Soraarsitsinissaq pinngitsoorniarlugu angerlartitaasut akissarsiassamik ilaat taartisiatut pisinnaavaat.

AAMMA ATUARUK Naalakkersuisut sinerissap qanittuani aalisartunut ikiorsiissutissat akuersissutigaat

Umiatsiaararsortutut aamma akissarsianut taarsiutinik qinnuteqarsinnaapput coronarsimagunik taamalu aalisarsinnaasimanatik.

Naalakkersuisut allapput ikiuutissanut koruunit skriver, at der er afsat 50 milliouunit immikkoortineqartut, kisianni sumit tigusaanersut allassimanngilaq. KNR sulisoqarnermut naalakkersuisumut Mimi Karlsenimut saaffiginnikkaluarpoq sulili akissutisinani.

Arbejdsmarkedshjælpepakken/Suliffeqarfeqarnermut ikiuutissat  17. januarimiit til og med 6. apriili ilanngullugu atuupput.