Inuunini naallugu paarnaarussaq Seth Sethsen ukiut 36-t qaangiuttut iperangaarusuttoq

1985-imi ujajaaniarluni taxartartumik toqutsigami Seth Sethsen inuunini naallugu paarnaarussassanngotinneqarnermi kingorna ukiuni 36-ni paarnaarussaareerluni, maanna iperangaaniarluni misileqqippaa.

Maanna taassuma iperagaanissaa piffissanngornerarlugu, taassuma illersuisua, Torben Dyring Kledal, sisamanngorpat Østre Landsretimi saaqqummiussissaaq.

Pinerluutilinnik isumaginnittoqarfiup tamanna itigartereernikuuaa, taamaammallu maanna 66-inik ukilullip Seth Sethsen-ip tamanna eqqartuussivimmut suliassanngortillugu. Taassuma iperagaanissaa Glostrup-imi eqqartuussiviup maajimi itigartissutigaa, maannakkullu suliaq Østre Landsretimi aalajangerneqassalluni.

Pinerluutilinnik isumaginnittoqarfiup itigartitsinerminut pissutigaa, Seth Sethsen-ip tarnimigut misissortikkusunnginnera.

- Taanna isumaqarpoq, tarnimigut misissortinnermi inernera Pinerluutilinnik isumaginnittoqarfiup naammaginngikkuniuk, tarnimigut misissorteqqinnissaa piumasariinnassagaat, eqqartuussissuserisoq oqarpoq.

Seth Sethsenip Albertslundimi taxartartoq Kurt Gaarn-Larsen toqussimasutut pineqaatissinneqarnikuuvoq. Taxartartoq 1985-imi oktobarimi marloriarluni aallaaneqarsimalluni toqungasoq biiliini nassaarineqarpoq.

AAMMA ATUARUK Seth Sethsen suli parnaarussivimmiissaaq

Tamatuma kingorna ullut marlussuit qaangiuttut Seth Sethsen tigusarineqarpoq tigummigallagassanngortinneqarlunilu paarnaarussaalluni. Taxartartoq toqussimallugu taanna nassuerpoq, ajutoornikkulli toqussimallugu nassuiaalluni.

Taxartartoq ujajaaffiginiarlugu paanerminni piaarinaatsoorluni marloriarlugu aallaasimallugu taamani nassuiaavoq.

Qaqugorpiaq suliaq Østre Landsretimi aalajangiiffigineqassanersoq suli nalunarpoq.