Ivaana immiussamik nutaamik saqqummersitsilersoq

Siorna piginnaasalittut nersornaaserneqarpoq, KNR-illu ukiup erinarsortartuatut toqqarpaa. “Jamaica”-mik erinarsortartumit nutaamik maanna saqqummertoqaqqilerpoq.

Allattoq Nutaarsiassaqartitsivik / Nyhedsredaktionen

februaarip 20-at 2023 15:44

Siorna Koda Awardimit piginnaanilittut nersornaaserneqarpoq.

Ivaanamit tallimanngorpat nutaamik saqqummertoqaqqissaaq, taannami siullermik saqqummersitaata “Jamaica”-p tullissaanik EP-mik nutaamik saqqummersitsilerpoq.

“Jamaica” 2021-mi saqqummersippaa, maannalu erinarsuutit nutaat arfinillit EP-mi nutaami “Tungaasaq”-mi saqqummersilerpai.

- Nipilersuusiornermi taalliornermilu siullermit misileraaneruvugut, oqariartuutissanullu maanna ajukkutinnginnerulerlunga misigisimavunga, Ivaana Kristiansen Olsen tusagassiuutinut nalunaarummi oqarpoq.

Aamma atuarukKoda Awards: Innersuunneqartullu tassaapput...

Taanna KNR-ip ukiup erinarsortartuatut siorna aamma toqqagaavoq. Taassuma “Tungaasaq”-mi saqqummersitassamini tallimat nammineq taalliarai – ataaserlu Gustav Lynge Petrussenimit (Gustav Lynge Petrussen (Tûtu) taalliarineqarluni. Nipit ilaat Kapisilinni oqarasuaatigut atorlugit immiussaapput, Ivaana Kristiansen Olsen oqarpoq.

Tungaasaq tusarnaarfiusinnaasuni tamani kiisalu Youtubekkut musikvideotaa tallimanngorneq februaarip 24-annit saqqummersinneqassaaq.

EP-p saqqummerserata kingorna CD-mik saqqummertoqarnissaa pilersaarutaavoq.

Nutaarsiassami kukkunermik nassaarsimaguit uunga allaffigineqarsinnaavugut.