Jessie Kleemann Dronning Margrethemut tunissutissami suleqataalersoq: Tupaallappunga nuannaarlungalu

Kalaaleq eqqumiitsuliortoq, Jessie Kleemann naalagaaffeqatigiinni eqqumiitsuliortut pingasut ilaattut, danskit naalakkersuisuisa Folketingillu Dronning Margrethemut tunissutaannut suleqataanissamut toqqarneqarpoq.

Allattoq Ann-Sophie Greve Møller, Jaaku Lyberth

septembarip 10-at 2022 19:12

Eqqumiitsuliaq Københavnemi Nordatlantens Bryggemi inissisimassaaq.

Naalagaaffeqatigiinnersut arnat eqqumiitsuilortut pingasut eqummiitsuliap iluisilersornissaanut toqqarneqarput, tassallutik Kalaallit Nunaannit Jessie Kleemann, Savalimmiunit Hansina Iversesn kiisalu Danmarkmit Gudrun Hasle.

Kalaallit Nunaannit eqqumiitsuliamik Dronningimut tunissutissamik Jessie Kleemann suleqataanissani tusaramiuk nuannaarpoq tupaallallunilu.

- Tupaallattorujussuuvunga nuannaajallattorujussuullungalu saaffgineqarami nunarput sinnerlugu, naalagaaffeqatiginnermi tunissutissaq eqqumiitsuliortunit assigiinngitsunit suliarineqartussat beestiilerneqarmata, assorujussuaq nuannaajallappunga , una pissutigalugu, taakua eqqumiitsuliortut, Savalimmiormioq danskeq taavalu uanga kalaaliullunga suleqatigiittussatut taamatut toqqarneqarsimagatta, assorujussuaq nuannaajallaqaanga, Jessie Kleemann taama oqarpoq.

Eqqumiitsuliatut suliassaq assiginngitsunik pingasunik iluseqassaaq, Kalaallit Nunaannit saarullik, Danmarkimit inneruulaq, Savalimmiuniillu ujaraq innnermik anitsinermit pinngortoq.

Aalisagaq pingaarutilittut inissisimasoq

Danmarkip Savalimmiut Kalaalit Nunaatalu imartaani aalisakkat pingarutillittut inissisimanerat eqqumiitsuliami suliarineqarnissaat pingaartineqarput

- Ataatsimoorussamik naleqartitagut nalilerujussuit titartarusussimavagut, taamaalillunga uanga aalisakkat pingaartinnerullugit titartarusussimavakka Jessie Kleemann taama oqarpoq.

Kalaallit Nunaat Savalimmiut Danmarkilu ukiorpassuanngortuni naalagaaffeqatigiinnerat eqqumiitsuliami ersersissallugu Jessie Kleemannimut soqutiginarpoq.

- Oqaluttuarisaanermi massakkut perput, sumiiffipput taanna arlaatigut titarnililaassallugu uannut soqutiginarpoq, Jessie Kleemann taama oqapoq.

Dronning Margrthep nalliuttorsiutigineqarnera

Dronning Margrethep dronningitut ivertinneqarneranit ukiut 50-it qaangiunnerat sapaatit akunnerata umma naanerani nallittorsiutigineqarluni malunnartinneqarpoq.

Dronning Margrethe jannuaarip ulluisa 14-ianni ukiormanna ukiuni 50-ni Danmarkimi

Dronningiuvoq. Corona pissutigalugu kinguartinneqarpoq maannalu malunnartinneqarluni Københavnemi isiginnaartitssarfimmi Det Kongelige Teaterimi nalliuttorsiutigineqarpoq.

Nunarput sinnerlugu Naalakkersuisut Múte B. Egede aamma Inatsisartut siulittaasuat Kim Kielsen nalliuttorsiornermi peqataapput

Nutaarsiassami kukkunermik nassaarsimaguit uunga allaffigineqarsinnaavugut.