Kommune Kujalleq qarasaasiatigut saassunneqartoq

Kommune Kujallermi qarasaasiatigut serverinut saassussisoqartoq kommunip nalunaarutigaa.

- Ullaaq suliartoratta paasitinneqarpugut IT-systemerput hacherneqarsimasoq, taamaalilluni Kommune Kujallermi IT-systemigut ajoraluartumik atorsinnaanngillat.

- Massakkut paasissutissat pillugit annerusut oqaatigisinnaanngilagut. Ikiortissarput Nuumminngaanniit aqagu tikissooq, taamaalilluta suliassat susoqarsimaneralu erseqqinnerusumik paasiumaarpagut. Inuit naammagittalaarnissaannik ajoraluartumik piumaffigisariaqartussaassavagut, Kommune Kujallermi borgmesteri, Stine Egede (IA) KNR-imut oqarpoq.

Taamaammat kommune ikiorsiissutinik, soraarnerusutisiassanik meqqaanut akilersuutinik tunniussisinnaanngikkallarpoq.

- IT-systemit atorsinnaatinnagit aningaasarsititsinnaanngilagut. Taanna ajuusaarnartorujussuuvoq, kisianni allatut ajornaqaaq, ulluni tullerni naammagittalaartariaqassuugut.

- Paasissutissallu allanut iluaqutaasinnaassappata soorunami aamma annikkumaarpagut, kisianni massakkuugallartumik ajoraluartumik annertunerusumik oqaaseqarsinnaanngilagut, Stine Egede oqarpoq.

Tamanna pissutigalugu innuttaasunut sullissivimmi innuttaasut saaffiginnissutaannik ikiuiniarneq aamma kipiluttunarpoq.

Kommunip qarasaasianut sullissisuisa saassussineq misissuleruttorpaat serverillu atulerseqqinniarlugit.

Qarasaasiat aaqqiivigineqarniariartut nutaamik nalunaaruteqartoqassaaq.

Pisoq politiinut nalunaarutigineqarpoq.