Kommuni Kujallermi qarasaasiat aaqqikkiartuaartut

Kommuni Kujallermi qarasaasiatigut uani qaammatip aallartilaarnerani saassussisoqarpoq.

Tamatuma kingunerisaanik ikiorsiissutinik, soraarnerusutisiassanik meqqaanut akilersuutinik tunniussisinnaajunnaarpoq.

AAMMA ATUARUK Kommune Kujalleq qarasaasiatigut saassunneqartoq

Maannali taakku ajornartorsiutaajunnaarput. Aamma kommunip mailii ajornaquteqanngitsumik nassiussisinnaalerlutillu allagarsissinnanngoqqipput.

Nanortalik nunaqarfiillu tamarmik suli mailiat atorsinnaanngikkallarput. Kommuni Kujalleq nittartakkaminut taama allappoq.

Qaammamusiassat akunnermusiassallu pilersaarutit malillugit ikineqassapput.

- Qarasaasiatigut ajutooqqanitsinni innuttaasut suliffeqarfiillu naammagittarnerat qujassutigaarput. Atortuvut ileqqumissut ingerlalersinniarlugit sulisuvut assorsuaq ilungersorsimapput sulilu sulillutik.

- Suut tamarmik aaqqinnissaasa tungaannut sivisulaarsinnaavoq, taamaammat tamarmik naammagittarmata qujanaqaaq, borgmester Stine Egede oqarpoq

Kommune Kujallermi qarasaasiaqarnermut pisortartaaqqammerpoq taassuma suliffimminut inissilluarnissaa kommunimit qilanaarinerarpaa.

-Pisoq eqiiallaataaqaaq – ajutooqqaarlutali ilikkagaqarnerput uggornarpoq.

Qarasaasiatigut kina saassussisimanersoq ilisimaneqanngilaq.