Kongressip nalunaarusiaata Trump saassussinermut pisuutikkaa
USA-p illoqarfiisa pingaarnersaanni Washingtonimi kongressip illorsuanik siorna 2021-mi januaarip arfernanni inuppassuit sassussinerannut, ilaatigut inuit inuunerannik naleqartumik, USA-mi præsidentiusimasoq Donald Trump akisussaasutut pisuutinneqarpoq.
Saassussineq pillugu nalunaarusiaq 814-inik quppernilik Kongressip ataatsimiititaliaata suliakkiussaa taama inerneqarpoq.
USA-mi kongressip illorsuanut inuppassuit siorna 2021-mi saassussinerat USA-mi demokratii tunngavigalugu ingerlatsinermut kiisalu USA-mi inatsisilerisut inuunerannik ulorianartorsiortitsisimasutut nalunaarusiami aamma nalilerneqarpoq.
AAMMA ATUARUK Trump unnerluutigineqassasoq USA-mi ataatsimiititaliap nalunaarutigigaa
Nalunaarusiamilu præsidentiusup Donald Trumpip saassussinermut atatillugu qanoq inissisimasimanera qulaajarneqarpoq.
Tassanilu Donald Trump inatsisinik unioqqutitsilluni ilalersorluni 2020-mi præsidentimik qinersinerup inerneranik allanngortitsiniarsimasutut pisuutinneqarpoq.
- Naalakkersuisut illorsuannut januaarip arferanni saassussinermut præsidentiusimasoq Donald Trump qitiulluinnartumik inissisimaffeqarsimavoq, nalunaarusiaq taama ilaatigut issuaavigineqarpoq.
Nalunaarusiap inernera illuatungaannarsiorpallaarnerarlugu pisuutitassarsiorpallaarnerarlugulu
Donald Trump internetimi inuit oqallittarfiat "Truth Social" aqqutigalugu allappoq.
Taamani Trumpip nuannarinnitsini naalakkersuisut illorsuannik saassussinialermata inerternagillu unitsinniarsimanngilai, nutaarsiassaqatsitsivik Ritza taama allaaserisaqarpoq.
