Mette Frederiksen borgmesterit Socialdemokraatineersuusut isornartorsiuinerannut isumaqataanngitsoq

Danmarkimi ilisimatusarfinni ilinniartitaanermi aaqqissuusseqqittoqarnissaanut Danmarkimi naalakkersuisut inatsisissatut siunnersuutaat, Danmarkimi illoqarfinni annerni sisamani borgmesterinit Socialdemokratineersunit isornartorsiorneqarpoq.

Isornartorsiuinerli ministeriunerup Mette Frederiksenip tunngavissaqanngissoraa:

- Ilinniartitaanerup aaqqissuuteqqinneqarnissaanut siunnersuut pitsaasuusoraara. Siunnersuulli piffissami qaninnermi soorunami oqallisaassaaq, Mette Frederiksen, tusagassiortunut tallimanngornermi oqarpoq.

Danmarkimi naalakkersuisut siunnersuut sisamanngornermi saqqummiuppaat, kandidatinngorniallu affaasa missaat ilinniartarnerisa sivikillineqarnissaat ilaatigut siunnersuutaavoq.

Danmarkimili illoqarfinni ilinniarfeqarfissuusuni sisamani - Københavnimi, Aarhusimi, Odensemi Aalborgimilu borgmesterit siunnersuut isornartorsiorpaat.

- Isornartorsiuinerat isumaqatiginngilara, ilinniartitaanermi siunnersuummi pineqartumi ataatsimut isigalugu nukittorsarneqarniartoq isumaqarpunga, Mette Frederiksen, parteeqatimi pissaaneqarluartut isornartorsiuinerannut akissuteqarnermini oqarpoq.