Ministeri EU-miu franskinut kajumissaarisoq: Le Pen unitsissiuk

Franskit talerpillerpaani inunnut tusaruminarsaarajuttup Marine Le Pen-ip præsidentinngunnginnissa isumagisariaqarpaat, taannami pissutigalugu EU annertoorujussuarmik allanngussagaluarmat.  

Ataasinngornermi Luxembourgip nunanut allanut ministeria Jean Asselborn mianersoqqusilluni taama oqarpoq.

Sapaatiummat franskit præsidentissamut siullermeerluni qinersineranni talerpillerpaaniit qinigassanngortittoq Marine Le Pen taasisunit 23 procentit sinnerlugit pissarsiarai akerlimi  Emmanuel Macron-ip 27 procentit sinnerai.

Taakku marluk aalajangiisussamik qinigassaassapput ulloq 24. apriili.

Frankrigi avissaartuuffiusimasoq taakku marluk qinequsaarfigissavaat, DR-ip aallartitaa DR's korrespondent Stephanie Surrugue oqaluttuarpoq.

- Franskit qinerisartuisa taasisut Over 50 procentii sinnerlugit talerpilerpaanik imaluunniit saamerlerpaanik taasipput. Tupinnaannartumik Frankrigi avissaartuuffiusoq qinersilerpoq. Kisianni tamaakkualuartoq politikeri qiterliusoq Emanuelle Macron ippassaq taasinermi ajugaavoq. Qinigassanngortittut qulliit taakku marluk qinersisunik pissarsiniarlutik assut tamaviaartariaqarput.

Ukiit tallimat matuma siornatigut kingullermik præsidentimut qinersisoqarmat aamma taakku Macron aamma Le Pen aappassaaneerinermi qinigassaapput.

Tassani Macron ajugaavoq qinersisut 66 procentiinit taaneqarluni.

Kingullermik franskit præsidentiata qinigaaqqinneraniit ukioq manna ukiut 20 qaangiupput.

Qaammatip ataasiinnaap matuma siornatigut isumasiuunerit takutippaat Macron qularnaanngitsumik qinigaaqqissasoq.

Kisianni sapaatip akunnerini kingullerni marlunni Le Pen-ip angusarpaa.