Nakkutilliisitat Ukrainemi atomip nukinganik nukissiorfissuarmi misissuiniartut
Naalagaaffiit Peqatigiit atomip nukinganik atuinermik nakkutilliisitaat IAEA-meersut Ukrainep kangiani Saporisiami atomip nukinganik nukissiorfissuarmut sapaatit akunneranni uani misissuissapput.
Atomip nukinganik nukissiorfissuaq ajoquteqarnersoq tassanilu silimaniarnikkut atortulersuutit russit ukrainemiullu sorsunneranni arlaleriarlutik eqqaanneqartarsimasut, IAEA-p nakkutilliisitaasa misissussavaat.
AAMMA ATUARUK Ukrainemiut namminiilivilernertik ukiunik 31-nngortorsioraat
Atomip nukinganik nukissiorfissuup russinit marsimi tiguarneqarnerata kingornagut russit ukrainemiullu nukissiorfissuup eqqaani missilinik igeriussisarsimasutut imminnut pisuuteqattaatilermata, nukissiorfissuarmi atomimik ajutoortoqarsinnaanera IAEA-mit aarleqqutigineqalerpoq.
Russit nukissiorfissuup pilersuineranik Krimip qeqertaasartaanut nuussiniartutut ukrainemiunit pasillerneqarput.
Saporisiami atomip nukinganik nukissiorfissuaq arfinilinnik reaktoreqarpoq, taakkunanngali reaktorit marluk kisimik maanna ingerlapput.
