Nakorsaaneq kajumissaarivoq: Ukiortaarsiorlusi annertuumik festernasi

Ukioq 2022 coronamik tunillaassuunnerup qaffarujussuarnera pinngitsoorniarutsigu, decembarip 31-anni peqatigisassat sapinngisamik ikittuinnaasariaqarput. 

Nakorsaaneqarfik taamatuut kaammattuivoq.  

- Maannakkut nappaatip inuiaqatigiinni sukkasuumik tuniluutilernissaa pinngitsoorniartariaqarparput. Oqaatigerusutarput tassaavoq; nereqatigiinnerni inuit siornatigut naapittariikkat peqatiginissaat sapinngisamillu killilersimaarnissaat, nakorsaaneq Henrik L. Hansen oqarpoq nangilluni:

- Katerisimaarnernimi taama ittuni malunnaatilimmik nappaatip tuniluutilersinnaasarnera ersariluinnarpoq, taamaalillunilu tunillatsittu annertoorujussuarmik amerlinissaat ukorianarluni. 

Omikron pissutaagunartoq

Ulluni kingullerni corona sukkasoorujussuarmim tuniluutilerpoq, ingammik Nuummi.

Tunillaassuunnerata sukkatsinnerujussua pissutigalugu, nakorsaaneq isumaqarpoq, omikron Nunatsinnut tikiussimasoq.

Taassuma erseqqissarpaa, periusissatut pilersaarummi nappatip tuniluukkunnaarnissaa unitsiinnarneqartoq.

-  Pissutsit tamakkua qangali qaangiutereerput. Maannakkut isumagisariaqarparput ukiuunerani ataatsikkut tunillaassuuttoqarpallaarnissaa, maannakkullu killilersuutitn atorlugit suli tamanna angusinnaavarput, taanna oqarpoq.  

Maannakkorpiaq Kalaallit Nunaanni tunillatsissimasunut kisitsisit tassaapput 375-it. Corona pissutigalugu napparsimmavinni uninngasut sisamaapput