Nuummi erngup nukinganik nukissiuut ajoquteqeqarmat ajutoornermi sarlafalersuisoqarniartoq
Nuummi ullumi ajornartoornermik innaallagiaq atorneqartartoq atorlugu sarfalersorneqaqqittussanngorpoq.
Tamanna Nukissiorfiit Utoqqarmiut Kangerluarsunnguani erngup nukinganik nukissiorfiup aqqutaani iluarsaassinissaanik peqquteqarpoq.
Tassanimi aqqutip qaavatungaani ajoqut aaqqissorneqassasoq Nukissiorfiit tusagassiuutinut nalunaarumminni allapput.
Iluarsaassassat taakku pingasut sermimik issusuumik sermersimammata siuliani suliarineqarsinnaanngillat, massakkulli sermeq aariarmat suliarineqarsinnaalerput.
Suliarineqarneranilli innaallagiaaruttoqarnavianngitsoq ilanngullugu ilisimatitsissutigineqarpoq.
AAMMA ATUARUK Nukissiorfiit aningaasatigut pisariaqartitaat Aningaasaqarnermut Ataatsimiititaliap maanna qaqileriffigerusukkaat
Nuummi sarfaarunneq sivisunerpaaq akunnernik 18-inik taamani sivisussuseqarpoq. Qamittoornermut innaallagissap aqqutaata ajoqusersimaneranik peqquteqarpoq.
Taannalu ajoqut ullumi ullukinnermi iluarsaanneqassasoq Nukissiorfiit nalunaaruteqarput, qamittoortoqarnavianngitsorli taakku ilanngullugu oqaatigaat.
AAMMA ATUARUK Innaallagissamik pilersuinerup unittoortarnissaa Nukissiorfiit aasarli kalerrisaarutigereerpaat
Nukissiorfiup erngup nukinganik nukissiuutit nalinginnaasumik sulinermut atatillugu misissuisoqarnerani ajoqutit pingasut nassaaraat.
Sapaatit akunneri marluk qaangiukkaangata qulimiguulik misissuiartortinneqartarpoq, atortut pisarnermik innersut misissorneqarlutik, ippassarlu misissuinermi paasineqarpoq taamaattoqanngitsoq.
