Ottop timmisartumi ilaasut 267-it Tuukkamut akunnerni tallimani mattukkai

Danmarkimi tallimanngormat anorersuarpoq. Ikaartarfiit matupput, ikaartaatit talittarfimmiipput, qimuttuitsut uninngapput – timmisartullu mittarfimmiiginnarlutik.

Air Greenlandip timmisartua Tuukkaq 267-inik ilaasoqartoq taakkununnga ilaavoq. Taanna Københavnimut unnukkut ikimmat timmisartumi ilaasut aneqqusaanngillat. Taakku akunnerni tallimani timmisartumiillutik anorersuup qatsornissaa utaqqivaat.

Timmisartup issiavittaasa tunorlerpaartaasa ilaanni issiasoq, Arnajaraq Støvlbæk oqarpoq.

- Minnerput sakkortuvoq, taanna oqarpoq.

- Timmisartumi sulisut anorersuarnera pissutigalugu matunik ammaaqqusaanngitsut ilisimatinneqarpugut. Ikaartarfiit majuartarfiillu timmisartup inuerutitinnissaanut aamma atoqqusaanngillat.

- Timmisartoq aalavoq. Naak nunamiikkaluarluta allaanngilaq timmisugut.

Arnajaraq Støvlbækip oqarnera naapertorlugu timmisartumi ilaasut akornanni tamanna kusanaatsuliornermik kinguneqanngilaq.

- Eqqissisimapput, inuillu naammagittarlutik. Nunatsinnimi angalagaangatta sila pissutigalugu eqqugaasinnaasarluta ilisimavarput.

- Kisianni timmisartup naalagaata ilisimatitsinerata saniatigut allanik paasissutissaqarpallaanngilaq. Naammagittaannartariaqarpugut.

Anorersuaraluartoq mittarfik ammasoq

Danmarkimi Ottomik anorersuarnissaa isertuussaanngilaq, kisianni Air Greenland timmisartuutileqatigiiffiillu allat Kastrup Mittarfianut minnissartik aalajangersimavaat.

- Mittarfik ammasoq timmisartullu arlallit pilersaarutit malillugit missimasut takuneqarsinnaasoq Kastrup mittarfianit tallimanngormat paasitinneqarpugut. Mittarfiup majuartarfinnik isumannaallisaaneq pissutigalugu timmisartumukaassisinnaannginnerput paasissutissiissutiginngilaa, Air Greenlandip attaveqaqatigiinnermut pilerisaarnermullu aqutsisua, Katja Vahl oqarpoq.

- Anorikilliartornissaa majuartarfiillu atorneqaqqissinnaalernissaat naatsorsuutaavoq. Taamaattoqanngilarli, tamanna mittarfimmi sulisut aamma siulittorsinnaasimanngilaat.

- Anoraasuarnera naatsorsuutigisap missingersuutigisallu muminganiippoq, 55 knobi sinnerlugu sakkortusiartuinnarpoq, tamanna majuartarfiit timmisartumut isumannaatsumik ingerlanneqarnissaannut sakkortuallaarpoq. Ilaasunut timmisartumiittunut tamanna nuanngilluinnarpoq, taamali pisoqartillugit mittarfiit malittarisassaat kisiisa malittariaqartarpagut.

Ritzau naapertorlugu “timmisartut arlallit” taama nalaataqarput. Anoraasuarnera pissutigalugu ikaartarfiit majuartarfiillu timmisartumi ilaasut nioqqarnissaanut atorneqartartut atorneqarsinnaanngillat.

- Pissutsit ajornakusoortorujussuupput, ilaasullu taama sivisutigisumik timmisartumiinnissaat siulittuutigisinnaasimanatigu, taamaakkaluarpat allatut aaqqiissuteqarsimassagaluarpugut, Katja Vahl oqarpoq.

Arnajaraq Støvlbæk timmisartumilu ilaasut allat aatsaat nalunaaqutaq 01:30-nngortoq niupput. Ajornartorsiulli alla aamma takkuppoq. Timmisartumimi sulisut nassatat timmisartumit nioqqarsinnaanagillu assartuissumukaassinnaanngilaat.

Nassatat amigaataasut

Ritzau naapertorlugu amerlasuut nassatatit nassarnagit tallimanngormat unnukkut angerlakaapput. Tassanngali timmisartumut ilaasut anorersuarmiillu mattussaaqqasut qanoq amerlatigineri kisitsisitalerneqanngilaq.

- Mittarfimmi pissutsit sammineqanngillat. Inuit sumi tamaaniipput. Uanga soorunami qasusorujussuuvunga, Arnajaraq Støvlbæk, akunnittarfimmukarfissaqarsimasoq oqarpoq.

- Sulisut paasissutissarsiarisatik atorlugit iliuuseqarniarsoraakka.

- Pissutsit ajornakusoorlutillu nuanniipput, kisianni ilaasugut naammagittarluarlutillu naleqqussarsinnaalluartut isumaqarpunga. Tassungalu aamma atatillugu Air Greenlandip timmisartumi sulisui sapinngisaminnik iliuuseqarniarsaralutik ilaasutsinnut ikiuipput – taakku aamma nersualaarneqartariaqarput.

Kastrupip mittarfiata tallimanngormat pisut nalilersuleruttorpai. Air Greenland mittarfiup inerniliissutai pillugit paasissutissiissuteqarfigineqarumaarpoq.

Skulle passagerne til en anden by end København, så fik de deres bagage eftersendt til nærmeste lufthavn.

- Det var en svær og kedelig situation, men jeg synes at vi havde nogle meget tålmodige og tilpasningsorienterede rejsende som klarede situationen virkeligt flot. Dertil har Air Greenlands crew med de forudsætninger vi havde forsøgt at få det bedst mulige ud af situationen og bistå vores passagerer bedst muligt – det fortjener de også ros for.

Kastrup Lufthavn er i gang med en evaluering af episoden i fredags. Air Greenland vil blive orienteret om lufthavnens konklusioner.