Sydneymi inuit tuusintilikkuutaat qarsutsinersuaqarnerani qimagussorneqartariaqartut

Australiami inuit nunami tassani qarsutsinersuaqarneranit eqqorneqartut najukkamiillu qimagussorneqartariaqartut amerliartorput, amerliartornissaalluunniit ilimagineqartariaqarluni.

Australiami nunap immikkoortuani New South Walesimi inuit ilaat 85.000-t najukkamit qimagussorneqarsimasut, New South Walesimi oqartussat pingasunngornermi ilisimatitsissutigaat. Illoqarfissuaq Sydney New South Walesimiippoq.

New South Walesimi sapaatit-akunnerata tulliata qiteqqunnerata tungaanut siallingaatsiassangatinneqartoq, oqartussat ilisimatitsipput.

AAMMA ATUARUK Aasiaat toqunartullit Sydneymut qarsutsinersuaqarfimmukaasut

Qarsutsinersuaqarnera ajunaarnersuartut nalilerneqartoq, Australiami maajimi ministeriuninngortup Anthony Albanesep oqaatigaa. Tamanna inuit qarsuatsinersuaqarneranit eqqorneqartut ikiugasuarneqarnissaannik aammaassissaaq.

Illoqarfissuup Sydneyp kitaani Windsorimi ukioq manna pingajussaanik qarsutsinersuaqarpoq.

Australiami marsimi siallingaatsiaarnerani aamma qarsutsinersuaqarpoq. Inuit 23-nit ikinnerunngitsut taamanikkut ajunaarput.