Aasiaat toqunartullit Sydneymut qarsutsinersuaqarfimmukaasut

Australiami nunap immikkoortuani New South Walesimi innuttaasut ukiut qulikkuutaat kingulliit ingerlaneranni aatsaat taama qarsutsinersuaqaleruttorfiani nutaamik maanna aamma naalliuuteqalerunarput.

Nunarsuarmimi aasiaat toqunartullit ulorianarnerpaat ilaannit ajornartorsiuleratarsinnaasut mianersoqqussutigineqarpoq.

Uumasuusivissuit ilaat "The Australian Reptile Park" mianersoqqussuteqartuuvoq.

AAMMA ATUARUK Inuit 18.000-t Australiami oqartussaasunit qimagussortinneqartut

Aasiaat toqunartullit ulorianarnersaat ilaat qarsutsinersuaqarnera pissutigalugu inuit najugaqarfiinukaratarsinnaasut, uumasuusivissuup pisortaa Tim Faulkner oqarpoq.

Sydneymi aasiaat pineqartut sunniutilertortartumik navianarluinnartumillu toqunartoqarput. Inuit 13-it aasiannit pineqartunik kiineqarlutik toqusimapput.