Pakistan milliardilikkaanik ikiorserneqarnissamik neriorsorneqartoq
Pakistanimi ukiaq qarsutserujussuaqattaarnera inuit 1700-t inuunerannik naleqartoq innuttaasut 33 millionit angerlarsimaffeerunnerannik katillugillu 113 milliardit koruunit missaannut aseruinernik kinguneqarpoq.
Genevemi marsimi ikiuiniartunut ataatsimeersuarnissaq Pakistanimut minnerpaamik 65 millliardit koruunit nalinginut ikiuinissanik inerneqarumaartoq, Naalagaaffiit Peqatigiit neriorsuipput.
AAMMA ATUARUK Danmark Pakistanimut qarsutsisimasumut 10 millionit koruuninik tunniussisoq
Pakistanimi ukiaq qarsutserujussuaqattaarnera inuit 33 millioninit ikinnerunngitsut eqqugaanerannik, taakkunannga millionilikkaat angerlarsimaffeerunnerannik 14,6 millionillu missaat nerisassaalatsinerannik, kinguneqartut, Naalagaaffiit Peqatigiit kisitsisaataanni erserpoq.
