Politiiusimasut George Floydip tigusaanerani ikiuutinnginnertik parnaarussanngortitaassutigigaat
USA-mi Minneapolisimi politiiusimasut marluk taartumik amillip, George Floydip, 2020-mi toqutaanerani ikiuutinnginnertik ukiuni arlalinni parnaarussassanngortineqarput.
Politiiusimasut marluk aappaa 28-nik ukiulik J. Alexander Kueng ukiuni pingasuni aappaalu 36-nik ukiulik Tou Thau ukiuni pingasuni qaammatinilu arfinilinni parnaarusssassanngortinneqarput, taartumik amillip George Floydip qungasikkut politiimit qaamasumik amilimmit Derek Chuivinimit minutsini qulingiluani nanerneqarnerani ikiuussimanngimmata.
Kueng aamma Rhau taartumik amillip Floydip innuttaasutut pisinnaatitaaffiarneqarneranik ikiuisimannginnerannillu eqqartuussissunit pineqaatissinneqarneranni pisuutinneqarput.
AAMMA ATUARUK Georg Floydip toqutsisuata ukiuni 30-ni parnaarussaanissaa piumasarineqartoq
Politeeq Chauvin George Floydip pisinnaatitaaffiinik unioqqutitsimasutut ukiuni 20-ni qaammatinilu tallimani parnaarussassanngorlugu februaarimi pineqaatissinneqarpoq. George Floydimillu toqutitsimasutut ukiuni 22-ni qaammatinilu arfinilinni parnaarussassaanngortitaareernikuuvoq.
Politiit taakku pingasut Mineapolisimi 2020-mi maajimi pisiniarfiliarput. Tassani George Floyd killisiorniarlugu tigusariniarsarivaat, taanna peqquserlulluni aningaasaliamik 20 dollarsimik cigaritsinik pisisimasutut pasineqarmat.
Floydip tigusariniarneqarnerani politiip Derek Chauvinip Floyd qungasiatigut nanerpaa. Derek Chauvinillu Floyd arlaleriarluni anerteqisaarneraqattaaraluartoq taassuma toqqutigisaanik seeqquminik nanersimaaginnarpaa.
