Pfizer-ip coronamut iisartagaliaa USA-p akueraa: Siuariarnerujussuuvoq

Inuit sanngiinnerit coronavirusimik tunillanneqarsimasut iisartakkanik taakkuninnga katsorsarneqartut napparsimmavimmut unitsinneqartarnerat , nappaammillu toqquteqarsinnaanerat 88 procentinik annikilleriartartoq, inuit 2200-t misissorneqarneranni paasineqarnikuuvoq.

USA-mi oqartussat coronavirusimik tunillanneqarsimanermi iisartakkamik katsorsaasinnaanissaq periarfissikkusuppaat, iisartagarlu tassunga atorneqarsinnaasoq akuersissutigeqqammerlugu.

USA-mi nakorsaatinut nakkutilliisoqarfik FDA taama ilisimatitsivoq.

Iisartagartorluni coronavirusimut katsorsaasinnaanissaq nakorsaasiorfiup Pfizerip ineriartortissimavaa. Pfizer, nakorsaasiorfiup BioNTech suleqatigalugu coronavirusimut aamma akiuussutissaliornikuuvoq.

Iisartagaq nutaaq inunnut pingaartumik aqqaneq-marluleereersimasunut, sannginnernullu atorneqarsinnaasutut akuersissutigineqarpoq.

- Iisartakkamik coronavirusimut katsorsaanermi atorneqarsinnaasumik ullumi akuersivugut. Nappaatip massuma nunarsuaq tamakkerlugu tuniluunnerata akiorniarneqarnerani pingaarutilimmik pisoqarpoq, FDA sinnerlugu immikkut ilisimatusartoq oqarpoq.

Iisartakkat marluk

Coronavirusimut katsorsaanermi iisartakkat marluk ataatsimut Paxlovidimik taaguuteqarput.

Iisartakkat marluk akunnerit 24-t ingerlaneranni iineqartartussaapput, tassa akunnerit aqqaneq-marluk ingerlareeraangata ataaseq iineqariarluni akunnerit aqqaneq-marluk qaangiukkaangata aamma ataaseq iineqartassalluni, taamatullu katsorsaaneq ullunik tallimanik sivisussuseqartassalluni.

AAMMA ATUARUK Sydafrika-mi naalagaaffiup misissuisarfia sissuilaarluni isumalluarlunili coronap allannguutaa nutaaq ulorianannginnerusutut oqaatigaa

Inuit sanngiinnerit coronavirusimik tunillanneqarsimasut iisartakkanik taakkuninnga katsorsarneqartut napparsimmavimmut unitsinneqartarnerat , nappaammillu toqquteqarsinnaanerat 88 procentinik annikilleriartartoq, inuit 2200-t misissorneqarneranni paasineqarnikuuvoq.

- Peqqinnnissaqarfinni napparsimmavinnilu ulapaarnerujussuarnut aamma iluaqutaasinnaanissaa neriunarpoq, Pfizer-ip pisortaa, Albert Bourla, oqarpoq.

Iisartagaq alla aamma piareerpoq

Nakorsaassiorfiup allap, Merck-ip, aamma iisartakkamik coronamut akiuussutissamik inerisaasimapput. Nakorsaat taanna ateeqaarpoq Legavrio.

Danmark-imi peqqinnissaqarfimmi Merck-ip iisartagaliaa, 18-inik ukiulinnut utoqqaanernulluunniit, coronamik tunillatsillutik napparsimarujussuarsinnaasunut, nakorsaatigineqarsinnaasutut akuerineqarpoq.

Isartakkat katsorsaatissat taakkua pisiarinissaannut Danmark-imi naalakkersuisut 450 miliuuni koruuninik aningaasaliipput. Merck-ip iisartagaliaa atorlugu katsorsaanissamut 50 miliuuni koruunit pallillugit kiisalu Pfizer-ip iisartagaliaanik katsorsaanissamut 400 miliuuni koruunit aningaasaliissutaapput.