Syriamiu arnaq qaartartumik Istanbulimi inissiisimasutut pasineqartoq tigusaasoq

Tyrkiami illoqarfiit inuttunerpaartaani Istanbulimi pisuinnaat aqqutaanni ippassaq sapaammi qaartartumeerisoqarmat, qaartumeerisutut pasineqartoq arnaq politinit tigusarineqarpoq.

Tyrkiami politiit oqarnerat naapertorugu arnaq tigusarineqartoq partiimi inerteqquttaasumi, tassa Kurdistan Arbejderpartiimi (PKK) ilaasortaavoq.

Arnap tigusarneqartup Islamisk Statinut attuumassuteqarsinnera Tyrkiami atorfillip naatsorsuutigaa.

PKK peqqarniisaarniartartuusutut USA-mit, EU-mit Tyrkiamiillu isigineqarput.

AAMMA ATUARUK Istanbulimi qaartartumeerisoqarmat arfinillit toqutaasut alllu 53-it aqqunartitertut

PKK qaartartumeerisutut pasineqartoq, Tyrkiap nunamut namminermut ministeria Suleyma Soylu oqarpoq.

Qaartartumeerisoqarneranut atatillugu inuit 46-t tigusarineqarput.

Syriamiu arnaq qaartartumik inissiisimasutut pasineqartoq tigusarineqartunut ilaavoq.

Istanbulimi pisuinnaat aqqutaanni inuppassuit aqqutigisartaanni qaartartumeerisoqarmat inuit arfinillit toqutaapput 81-illu ikiligaallutik.