Politi: Arnaq Ålborgimi toqungasoq pinerlineqarsimanngilaq

Arnaq kalaaleq 60-t missaanni ukiulik ullumi pingasunngornermi ualikkut Danmarkimi Ålborgip kangiatungaani nassaarineqartoq pinerlineqarsimanngitsoq nutaarsiassaqartitsiviup ritzauip allaaseraa.

Jyllandip avannaani politiit taama tusagassiutinut nalunaarsimanerarneqarlutik.

Arnaq toqungasoq ullumi ualisoq Reno-Nordip eqqaani Troensevejimi eqqaaveqarfimmi nassaarineqarpoq.

AAMMA ATUARUK Jyllandip avannaani eqqakkanik sullissiviup nunaminertaani arnaq toqungasoq nassaarineqartoq

Ullumilu politiit arnaq kinaassusersiniarlugu paasiniaapput, aammalu paasiniarlugu tamanna pinerlunnermut attuumassuteqarnersoq.

Tusagassiutinullu nalunaarut naapertorlugu, aammalu Danmarkip nalunaaqutaa naapertorlugu, unnulersoq politiit nalunaaqqipput, arnaq pineqartoq 60-t missaani ukioqartuusoq aammalu Aalborgimut attuumassuteqartuusoq.

Alianarpoq, kisianni pinerlineqarsimanngilaq

Politiit aammalu pinerluttoqarsimatillugu misissueqqissaartartut, pinerluttoqarsimaneranilu nakorsat paasiniaasartut ullup ingerlanerani arnap nassaarineqarfiani najugaanilu paasiniaapput.

Taakkulu paasisatik naapertorlugit inerniliipput, arnap toqusimanera pinerlinermut attuumassuteqanngitsoq.

- Arnap toqqutigisimasaanut patsisaasoq paasissallutigu pinerlussimanermi nakorsat akissutissaat maanna utaqqivarput, politikommissæri Carsten Straszek tusagassiutinut nalunaarummi taama allappoq., nangipporlu:

- Kisianni soorlu oqareersugut, arnaq pinerlineqarsimanngilaq, taanna oqarpoq.

Arnallu ilaqutai ilisimatinneqareersimasut erseqqissaatigaa.