Politiit angallataat nutaat sisamat ajoquteqartut

Kalaallit Nunaanni politiit aasaq juulimi nutaanik sisamanik angallatitaarput. Nutaajugaluarlutilli maanna ajornartorsiutigineqalereerput.

- Ukua sananeqarmata siullerpaamik aatsaat sananeqarput. Tassa imaappoq, nunarsuatsinni asseqanngillat. Taamaattumik aamma sananeqaqqaartut tamarmik ilimanartumik tulluarsaqqinneqartarput, Kalaallit Nunaanni Politiini vicepolitiinspektøri Viggo Johansen oqaluttuarpoq.

Angallatit ilaatigut kiassaataat Issittumi pissutsinut naammassimanngimmata igalaat aallertarput, motoorillu inissisimanerat appasippallaarsisut, politiit oqarput.

AAMMA ATUARUK Politiit sukkanerusunik angallatitaartut

Aamma imaarsaataat sikumik millussillutik milittoortarsisut ilanngullugu oqaatigineqarpoq.

- Suliassanik uuminartunik naapitaqartarpugut. Taakkualu piffissaq atungaatsiarlugu ingerlappagut. Ukua angallatit ukioq ataaseq garanteqarput. Taamaattumik sumut tamaannga garantip iluani misilittarniarsaraagut, taavalu aaqqinneqarsinnaasut tulluarsarneqarsinnaasullu ingerlallutigit.

Kalaallit Nunaanni Politiini viceinspektøri Viggo Johansen Nauja Møllerimut taama oqarpoq.

Umiatsiat nunatsinnukaannerini glasfibererii aamma ajoqusersimapput.

Umiatsialli atorneqalereerput, unammillernartoqaraluarlutillu politiit sulinerannut oqilisaataapput.