Politiit angut 24-nik ukiulik Aasianni ujaaraat

Kalaallit Nunaanni Politiit Hans Petersen 24-nik ukiulik, kingullermik arfininngornerup unnuaani takuneqartoq ujaaraat.

Politiit tusagassiuutinut nalunaarummi allapput.

Hans Petersen ilaquttaminit oktobarip ulluisa 15-ianni arfininngornermi nalunaaqutaq 22.47 maqaasineqartutut nalunaarutigineqarpoq. Taakku angut 24-nik ukiulik Aasianni ilinniartut ineqarfianni inigisaminit arfininngornerup ullaasaani nalunaaqutap sisamat missaani animmalli tusarfiginagulu takoqqissimanngilaat.

Politiit oqarnerat naapertorlugu Hans Petersen ”nikallungalluni” anisimavoq.

Politiit arfininngornermi unnukkullu 24-nik ukiulik ujaarilerpaat, sulili nassaarinagu. Taamaammat maanna Aasianni inuit toqqorsivinni, quini assingusunilu ujaasinissaannik maanna kaammatuuteqarfigaat.

Hans Petersen 165 centemeterip 170 centimeterillu akornanni angissuseqarpoq, naatsunik qernertunik nujaqarpoq, kingullermillu takuneqarami uku atorpai teqqiaq qernertoq, kavaajaq Arcteruximik meqqilik tungujortumik taartumik qalipaatilik, tujuuluk qaqortoq qarliillu qernertut.

Angut takuneqarsimaguni politiit oqarasuaammut 70 14 48-mut attavigineqarsinnaapput.