Politiit Nuummi angummik maqaasineqartumik ujaasineq unitsikkaat
Angut 32-nik ukiulik decembarip aqqaneq-aappaanili maqaasineqalerpoq.
Amos Martin Jonassen decembarip aqqaneq-aappaani maqaasineqartutut nalunaarutigineqarpoq.
Allattoq Hanna Vestergaard Hviid
decembarip 23-at 2022 11:50
Kalaallit Nunaanni Politiit angut 32-nik ukiulik, Amos Martin Jonassenip Nuummeersoq sapaatip akunnera ataaseq sinnerlugu ujaaraat. Taanna ilaquttaminit maqaasineqartutut decembarip aqqaneq-aappaani nalunaarutigineqarpoq.
Politiit nammineq kajumissutsiminnik ujaaseqataasunit Nuup ilarujussuani qanittuanilu ujaasinermi ikiorneqarput, Amos Jonassenili nassaarineqanngilaq.
AAMMA ATUARUK Angut maqaasineqartoq kajumissutsiminnik ikiuuttut ujaarigaat
Taamaammat politiit ujaasineq unitsinniarlugu aalajangerput. Kalaallit Nunaanni Politiit tusagassiuutinut allapput.
Qanigisaasut kalerrinneqarput.
- Politiit saaffiginnissuteqartut tamarmik aamma namminneq kajumissutsiminnik ujaasinermi ikiuuttorpassuit qujassuteqarfigaat, politiit allapput.
