Nuummi peqqqinnissaqarfiup portøriii ippassaq suliaminnik akunnermi unitsitsillutik suliatik pillugit ataatsimiipput.

Peqqinnisaqarfimmi pitsanngorsaaniarnermut atugassanik pinasuartumik aningaasaliisoqarneratigut suliassaqarnerulernissartik taakku ernummatigaat.

Nakorsiat tikerartut martsip aallaqqaataaniit amerlanerulissanersut, portørillu suliaat taamaalillutik amerlissanersut, sapaatit aakunenerini marlunni nalilersussagitsik aqutsisullu isumaqaitigiissutigigitsik, portørip peqatigiiffiata siulittasua iluarisimaarinnittoq oqarpoq.

-Angusaqarlutalu angusaqanngilagut, immaqa taama oqaruma pitsaaneruvoq. Oqariartuutigiumasagut apuuppagut, oqallilluartoqarpoq, Portørit peqatigiiffianni siulittaasoq, Ujarak Jessen Heinrich KNR-imut oqarpoq.

Sulisunik marlunnik noqqaassuteqartut

Taakku ippassaq ataatsinngornermi suliaminnik akunnermi unitsitsillutik ataatsimiikkaamik, piumasaqaatiminnik Dronning Ingridip Napparsimmavissuani aqutsisunut anngussipput.

Taakku Peqqinnisaqarfimmi nutaanik pitsanngorsaaniarnermut atugassanik pinasuartumik aningaasaliisoqarneratigut suliamik marloriaatinngornissaat aarleqqutigalugu taama iliuuseqarput.

-Sinerissaminngaanniit siffissamik suliaritittussat, seeqquusalertittussat allallu tikerarlutik aallartilereerput aqagu 1. marts. Qullersaminngaanniik naliliiffiginiarpaat, taakkua takoqqaalaariartigit qanoq kinguneqassanersut uagutsinnut. Tassaniippugut taava ullut 14 qangiuppata nalilersuissapput, taanna oqarpoq.

Nuummi portørit ikinnerpaamik marlunnik ilaneqarnissaat, portørit peqatigiiffiata kissaatigaa.

Ilaneqanngippatami siunissaq qaninnerusoq eqqarsaatigalugu suliassat aarleqqutigisamittut marloriaatinngussappata sinerissamiit nakorsiat eqqugaasussaasut, Ujarak Jessen Heinrich nassuiaavoq.

-Napparsimavissualiartussat, imal angerlaanneqartussat utaqqisarnerat suli sivitsornerujussuussooq, suli sivisunerujuussooq.