SIK Royal Greenlandillu isumaqatigiissutaat nutaaq: Erninermi sulinngiffeqarnermi akissarsiaqarneq

Sulinermik inuussutissarsiuteqartut kattuffiata SIK-ip aamma Royal Greenlandip isumaqatigiissutaat nutarterneqarpoq, ukiortaamiit ukiuni pingasuni atuuttussamik.

Tunngaviusumik akissarsianut, soraarnerussutisiassanut, immikkut ittumik sulinngiffeqarsinnaanernut kiisalu naartunermut atatillugu akissarsiaqarsinnaanermut tunngasut

isumaqatigiissuummi nutaami pitsanngoriaateqartut, SIK nittartakkamini allappoq.

Ilinniarsimanngitsut ilinniarsimasullu 18-inik ukioqalersimasut nalunaaquttap-akunneranut tunngaviusumik akissarsiaat aappaagu 2023-mi aappaaguagulu 2024-mi januaarup aallaqqaataaniit 4 koruuni 60 øremik qaffattassapput kiisalu 2025-mi januaarip aallaqqaataanniit 4 koruuni 10 øremik qaffassallutik.

Nutaamik isumaqatigiissuteqarnermi akissarsiat pigiinnarlugit naartunermi erninermilu sulinngiffeqarallarsinnaaneq aamma naqissuserneqarpoq.

Isumaqatigiissut atuuttoq malillugu sulisut ilaquttaminnik napparsimasoorunik toqusoornermiluunniit ukiumi ataatsimi ataannartumik atorfeqareersimagunik akiliunneqarlutik ilaquttap najugaanut angalasinnaatitaapput. Isumaqatigiissut nutaaq malillugu sulisut Isumaginninnermut Aningaasaateqarfimmut akilliunneqarnissamik qinnuteqarsinnaatitaalerput.