Royal Run: Nuummi Royal Run siullerpaamik aaqqissorneqarpoq
26-nillu ukiullip Niels Christian Mathæussenip maanna arpatitsisoqartarnerani peqataasartup aamma peqataaffigaa:
- Nuannariinnarlugu peqataavunga, siornaak arpattalerama, maannakkullu arpattoqarnerit tamaasa arpaqataasarpunga, sapaatillu akunnerata siuliani mittarfimmi aamma arpaqataavunga, Niels Christian oqarpoq.
Niels Christian Mathæussen Royal Run ini ataasinngornermi arpaqataavoq. Foto: KNR
66-nik ukiulik Grete Street Ilullissaniit Nuummut tikeraartoq, 5 kilometerisut isoraartutigisumut arpaqataavoq.
Ataatsimoorlutik arpaqatigiitarnerit nuannaralugit peqataavoq,- arpaqatigiillutik ataatsimoorlutik, Grethe oqarpoq.
Arpatitsisarnerit Royal Run nuannarineqarluni peqataaffigineqarluartartoq Grete Streetip maluginiarpaa, - torrravoq, ikattorujuit ilaasartut, Grethe Street oqarpoq. Taana pisunnerusarpoq ulluiarnani arpattarrani.
Grete Street Ilulissanit Nuummut tikeraartoq Royal Runitoqarnerani fem kilometerisut isorartutigisoq arpaqataaffigaa Foto: KNR
41-nik ukiulik Troels Friis arpatitsinermut Royal Run-imut peqataanisssaminut pilersaaruteqarsimanngikkaluarpoq. - Peqataanissatsinnut nuliara nalunaarsimavoq. Uanga umiatsilerisussaagaluarpunga kisianni tassa taamaappoq.
Peqataanissat qanoq aalajangerpiuk ?
Seqinnermat!
Troel Friis: Pinsermat seqinnermallu Royal Runimi peqataaavunga. Foto: KNR
Kajap kunngissaq arpaqatigaa.
Nuummi Royal Runitoqarnerani Kunngikkormiunik peqataasoqanngilaq.
Taamaattorli 22-nik ukiullip Kaja Berthelsen MIkaelsenip maanna Aarhusimi inatsisilerituunngorniartup kalaallit danmarkimi ilinniagaqartut Aarhusimi peqatigiiffianni Avalammi suleqataasup Kunngissap Aarhusimi arpalluni aallartinnerani aallarteqatigaat.
- Kalaallinik taamatullu Aarhusimi arnanik immikkut suliniueqartunik marlunnik Royal Runimi arpannerup aallartinneqarnerani aallarteqateqarnissani Kunngissap kissaatigisimavaa, kalaallit Danmarkimi ilinniagaqartut atugaat tusarusullugit, Kaja Berthelseni Mikaelsen oqarpoq.
Royal Run Aarhusimi aallartimmat, Kaja Berthelsen Mikaelsen kalaallit ilinniaqartut allat peqatilugit kunngissaq Frederik arpaqatigaat. Foto: Avalak
Arpannerup aallartinnginnerani Danmarkimi ilinniagaqartut peqatigiiffianni Avalammi suleqataasut nagguteqatigiit inuit timersuutaannik takutsitsipput takutitsinerat taamatullu Kalalalit Danmarkimi ilinniagaqartut atugaat kunngissap soqatigalugit tusarusuppai.
- Ilinniartut pillugit paasisaqarusuttorujussuuvoq, Danmarkimi kalaallit ilinniagaqartut atugaat, ilinniartuulluni suna ajornarnerpaanersoq, aamma ukiumut qasseriarluta Kalaallit Nunaannut angerlartarnersugut, Kaja oqarpoq.
Kunngissap oqaloqatigineqarnera arpanneq aallartimmat unippoq takoqqinnatillu:
- Uanga qasujanerulaarlunga kingulliulaarlunga arpappunga, kunngissarlu takoqqinngilarput, siullliungaatsiarami aamma Købehavnemut arpakkiarniarami ingerlavoq, Kaja Berthelsen Mikaelsen oqarpoq.
Kaja Berthelsen Mikaelsen kalaallit danmarkimi ilinniagaqartut aarhusimi peqatigiiffiani siulitaasuuvoq
Danmarkimi arpatsisinemik aaqqiissuussineq Royal Run siullerpaamik aaqqissorneqarneqarpoq 2018-mi Kunngissap 50-liineranut atatillugu. Ukiormanna inuit 91.600-it Roayl Runimi arpaqataapput.
Nunatsinni siornaak 2020-mi arpatitsisoqartussaagaluarpoq coronali pissutigaugu taamaatinneqarpoq aamma siorna .
