Russit: Ukrainemi qimuttuitsut unittarfiat saassupparput

Ukrainemiut sakkutuuisa akornanni 200-nit ikinnerunngitsut ippassaq pingasunngornermi saassussinermi toqutaasut, russit oqartussaasuisa oqaatigaat. Sakkutuujunngitsullu 25-t aamma toqutaasut, Ukrainemi oqartussat oqaatigaat.

Allattoq Ritzau

aggustip 25-at 2022 13:57

Nutserisoq Mads Lynge

Ukrainep qiterpasissuani qimuttuitsut unittarfiannik saassussisimallutik, russit illersornissaqarfiata ullumi sisamanngornermi uppernarsarpaa. Sakkutuujunngitsut 25-t saassussinermi toqutaasut Ukrainemi oqartussat oqaatigaat.

Nutaarsiassaqartitsivik Reuters taama allappoq.

Ukrainemiut illersornissaqarfiata qimuttuitsuat eqqorniarsimallugu, Ruslandimiut oqaatigaat.

AAMMA ATUARUK Nunat tamalaat: Ukrainemiut kiffaanngissuseqarlik!

Ukrainemiut inuiattut ippassaq pingasunngornermi ullorsiorneranni, Ruslandillu Ukrainemik saassussinerannit qaammatit arfinilinngortullu taama saassussisoqarpoq.

Rusland Ukrainemik ukioq manna februaarimi saassussimmat Ukraine tamakkerlugu taamanikkut saassussisoqarpoq, illoqarfiit pingaarnersaat Kyiv taamanikkut aamma saassunneqarluni.

Russilli Kyiv tiguarsinnaasimanngilaat, taamaalinerani Ukrainep kangisinnerusortaa kujasinnerusortaalu aallunneqalerlutik.

Nutaarsiassami kukkunermik nassaarsimaguit uunga allaffigineqarsinnaavugut.