Ruslandip Ukrainellu inuit qimarngunnerannut aqqummik isumaqatigiissuteqartut

Ruslandimit Ukrainemiillu isumaqatiginnikkiartortinneqartut inuinnarnut qimarnguttoqarneranut aqqummik qularnaatsumik pilersitsinissaq sisamanngornermi isumaqatigiissutigaat.

Ukrainep præsidentianut siunnersortit, Mykhailo Podoljak taama oqarpoq.

Taanna Hvidruslandip kitaatungaani isumaqatiginninniarnermut peqataavoq.

Illuatungeriit ikiuiniarfissamik pilersitsinissaq danskit nalunaaqutaat naapertorlugu sisamanngornermi unnukkut isumaqatigiissutigigaat. Taanna Ukrainemi inuinnaat qimangutileruttorneranut qulakkeerutaassaq.

Ikiuiniarfinni sakkuaattoqannginnissaa aamma atulersinneqarsinnaassaaq.

Ukrainemiut isumaqatigiinniartuata – ikiuiniarfeqaraluartoq – sisamanngornermi isumaqatigiissutigineqartoq kissaatigisamik kinguneqanngitsoq oqaatigaa.

Russilli tungaanniit muminganik isumaqatigiinniarnerit alloriarfiunerarneqarlutik.

Illuatungeriit pingajussaanik isumaqatigiinniarnissamut isumaqatigiissuteqarput. Tamannali sumi qaqugulu pissanersoq sisamanngornermi unnukkut oqaatigineqanngilaq.

AAMMA ATUARUK Russit Ukrainemiullu sakkuaakkunnaarnissaq isumaqatigiissutiginiarlugu naapissapput

Sisamanngornermi ataatsimiinneq Hvidruslandip kitaatungaani Brestimi pivoq.

Ruslandip Ukrainemut saassussinera sapaatip akunnerata siuliani sisamanngornermi aallartippoq. Saassussisoqarnerata kingunerisaanik Ukrainimiorpassuit nunanut tulliuttunut qimarngupput.

Naalagaaffiit Peqatigiit Qimaasunut qullersaqarfiat (UNCHCR) naapertorlugu inuit millioninit amerlanerusut russit saassussinerata kingunerisaanik qimaapput.

Ukrainemi innuttaasut 44 millionit missaanniipput. Tamanna Danmarkimi innuttaasunut sanilliukkaanni Danmarkimi innuttaasunut 5,8 millioninit 132.000-it qimaanerisa assigissavaa.

Franskit nutaarsiassaqartitsiviat, AFP naapertorlugu ukrainimiut qimaasut affaat Polenimut qimaasimapput. Polen Ukrainip kitaatungaaniippoq, Polenip taamaalilluni inuit millionit affapajaavi isertippai.

Inuit 100.000-init amerlanerusut Ungarnimut qimaapput.

Danskit nunanut allamiunut ilanngutititsinermullu ministeriata, Mattias Tesfayep Danmarkip ukrainimiunut qimaasunut 20.000-inut tikilluaqqusisinnaanera siusinnerusukkut oqaatigaa.

Putinip russit saassussinissaanik sapaatip akunnerata siuliani suaaruteqarneranit Ukrainemi illoqarfiit arlallit qaartartumeeriffigineqarlutillu timmisartunit saassunneqarput.

/ritzau/Reuters