SAS timmisartuussinissanik suli kinguaattooqattaartoq

Timmisartuutileqatigiit SAS sapaatit akunnerisa siuliini suliumajunnaarfioreerlutik nalinginnaasumik timmisartuusseqqileraluartut timmisartuussineri suli tamakkiisumik ingerlalinngitsut, SAS nalunaarpoq.

SAS-ip maanna kinguaattooqattaarneri suliumajunnaarnermik peqquteqanngitsut timmisartunili sulisut amerlasuut akornanni coronartoqarnera timmisartuussinernik kinguaattoortitsisoq, SAS-ip avammut paasissutissiisartua Alexandra Lindgren Ritzauimut oqarpoq.

AAMMA ATUARUK SAS pisarnermisut ulluni tulliuttuni timmisartuussileqqissangasoq

SAS-ip timmisartortartuisa sapaatit akunnerini marlussunni suliumajunnaaqqaneranni SAS-ip timmisartuussinissaralui 3.700-t taamaatiinnarneqartariaqarsimapput, timmisartortartulli sulisitsisuallu SAS juulip 18-ianni nutaamik isumaqatigiissuteqarmata timmisartuusseqqittalerpoq.

Ilaasussat aallarnissamik pilersaarusiorneqarnerat SAS-ip nittartagaani misissoqqaartassagaat, Alexandra Kaoukji kajumissaarivoq. Timmisartuussinissat pilersaarusiorneri tassani takuneqarsinnaapput.

Kuffertilisaranilu tigummiartarissaannarnilli nassataqarnissaq pitsaanerussasoq, taanna oqarpoq.

Ingammik kuffertilerisussaaleqinertik ajornartorsiutaasoq, taanna ilanngullugu oqarpoq.