Sisimiuni ikuallattoqartoq: Inuit marluk inissiami toqungasut nassaarineqartut

Sisimiuni inissiat ilaanni unnuaq ikuallattoqarmat inuit marluk ajunaarput.

Kalaallit Nunaanni Politiit tusagassiutinut taama nalunaaruteqarput.

Sisimiuni politiit ullaassaq nalunaaqutaq sisamat qaangerlugit tanneq marlunngulersoq kalerrinneqarput najugaqarfiit ilaanni ikuallattoqartoq. Politiit qatserisartullu kalerrinneqarput, qamisaanerlu erngertumik aallartilluni. Ikuallanneq qaminneqareerpoq, inuillu marluk sumiiffimmi toqungasut nassaarineqartut politiit nalunaarutigaat.

Ajunaartut tassaapput arnaq 62-inik ukiulik, angullu 58-inik ukiulik. Ilaqutaasut ilisimatinneqareerput.

Ikuallattoqarneranut atatillugu pinerluttoqarsimaneranik takussutissaqanngitsoq misissuinerit maannamut takutikkaat, Brian Thomsen, Kalaallit Nunaanni Politiini politikommissæriusoq oqarpoq, inunnillu allanik inissiamiittoqarsimanngitsoq aamma nalunaarutigineqarluni.