Sri Lankami inatsisartut præsidentip eqqissiviilliortoqaleruttornerani tunuarnera akuerigaat

Sri Lankami maanna eqqissiviilliorfiusumi præsidenti Gota Baya Raja Baksi præsidentiunerminit tunuartoq, Sri Lankami inatsisartut siulittaasoqarfiat nalunaarpoq.

Gota Baya eqqissiviilliornerit aallartilaaginnartulli nunamut allamut qimaavoq.

Sri Lankami aningaasarsiornerup ukiorpassuarni aatsaat taama ajornartorsiorfiunera naammagiunnaarlugu eqqissiviilliortoqalerpoq.

AAMMA ATUARUK Sri Lankami sukannersumik naalakkersuisoqalersoq - suli eqqissiviilliortoqartoq

Sri Lankami inatsisartut præsidentitut tunuartup taartissaanik nutaamik toqqaanissaq siunertaralugu aqagu katersuutissapput. Præsidentimik nutaamik ullut arfineq-marluk ingerlaneranni toqqaasoqassasoq, Sri Lankami inatsisartut siulittaasuata neriuutigaa.

Sri Lankami eqqissiviilliornerit kingunerisaannik nuna sukannersumik maanna naalakkersorneqarmat illoqarfiit pingaarnersaanni inuit angerlarsimaffimminniit aneqqusaajunnaarallarput.