Ministeriunerup sakkunik Ukrainemut nassiussuinnarnissartik neriorsuutigigaa
Danmarkip sakkunik sakkutuullu atortuinik Ukrainemut nassiussuisarnini unitsinnavianngilaa.
Ministeriuneq, Mette Frederiksen, Københavnimi Rådhuspladsemi pingasunngornermi unnukkut oqalugiarnermini taama oqarpoq.
- Kiffaanngissuseq saassunneqarpat tamassuma pingaaruteqassusiata immitsinnut oqaluttuarinissaa naammanngilaq.
- Kiffaanngissutsip illersornissaanut piareersimasariaqarpugut.
- Taamaattumik sakkunik sakkutuullu atortuinik nassiussuivugut unitsinnavianngilarpullu. ministeriuneq Københavnimi Rådhuspladsenimi Danmarkip tyskinit anigiuisitaanerata malunnartinneqarneranut atatillugu oqalugiarami oqarpoq.
AAMMA ATUARUK Ministeriunerup Ruslandip Bornholmimut tunngatillugu mianersoqqussuteqarnera akuerinngikkaa
Rådhuspladsenimi aaqqissuussusoqarneranut atatillugu, Ukrainep præsidentia Volodymyr Zelenskyj, Danmarkimi innuttaasunut oqalugiarpoq. Tamanna pivoq, Ukrainemi illoqarfiit pingaarnersaannit Kievimit toqqaannartumik TV-ikkut oqalugiarami.
