Inuit pingasut nunatsinnit tunuliaqutaqartumik toqutsisutut tigummigallagassanngortinneqartut
Angutit marluk arnarlu ataaseq Hjørringimi Danmarkimiittumi tunngaviusumik inatsit tunngavigalugu sapaatiummat ualisoq killisiorneqarnerminni sapaatit akunnerini sisamani tigummigallagassanngortinneqarput.
Taakkua angutip 38-nik ukiullip Kalaallit Nunaannit tunuliaqutillip, Aalborgimi toqutaasimalluni arfininngormat nassaarineqartup, toqutaanerani tamarmik immikkut iliuuseqartuusimasutut pasineqarput.
Nordjyllandip politiivi ilisimatitsipput.
AAMMA ATUARUK Inuit pingasut kalaallinit kingoqqisup toqutaaneranut pasineqartut
Aalborgimi atuagaateqarfiup eqqaani inuuneranik malunnartorsiviunngitsumik, anguteqartoq politiit Danmarkimi nalunaaqutaq 22.50 kalerrinneqarput.
Pasilliut naapertorlugu angut taanna maannamut suli ilisimaneqanngitsumik anaartarneqarluni toqutaasimavoq, nassaarineqaramilu timimigut aqqunartitersimaqaaq.
Danmarkimi nutaarsiassaqartitsivik Ekstra Bladet taama allaaserisaqarpoq.
Angut toqungasoq kinaassusersineqarsimasoq, sugisaalu qaninnerit ilisimatinneqarsimasut, Nordjyllanndimi politiit tusagassiutinut allapput.
Atornerluisut paggissimassasut politiit ilimasupput.
Tigusarineqartut 31-nik, 37-nik 41-nillu ukioqartuupput. Marluk Rumæniamiuupput, tigusaasorlu ataaseq qallunaajuvoq.
Tunngaviusumik inatsip tunngavigalugu sapaammi killisiuineq matut matullugit ingerlanneqarpoq, Nordjyllandimilu politiit misissuinertik pissutigalugu allamik oqaaseqarumanngillat.
