Tusass: Nunarput tamakkerlugu attaveqaatit ajoquteqarput
Piffissami matumani USA-mut attaveqaateqarnikkut ajornartorsiuteqartoq, Tusassip nalunaarutigaa.
Tamanna nuna tamakkerlugu attaveqarniarnikkut akornutaasinnaavoq, attaveqaaterpummi Amerika Avannarlermiit Europamut ilaatigut ingerlaarmat.
Imaatigut kabelimut attavik Nuup kujataaniittoq Islandillu tungaanut attavik imaatigut kabelip iluarsaanneqarnera pissutigalugu massakkuugallartoq attaveqarsinnaanngilaq.
AAMMA ATUARUK Nuup kujataani internetti mobilikkullu attavik sapaatiuppat aqqanernut arriillissasoq
Massakkuugallartoq Nunatsinnut Nunattalu avataanut sianertoqarsinnaanngikkallarpoq, nunattali iluani sianertoqarsinnaalluni.
Tasiilamut Tasiilamiit aamma Ittoqqortoormiinut Ittoqqortoormiiniillu attaviit akornuteqarput.
Danskit TV-kkut kanalii soorlu DR massakkuugallartoq attaveqanngillat, KNR TV-li radiolu attaveqarlutik.
Ajoqutaasoq aaqqinniarlugu Tusassimi teknikerit sulipput.
Allanngortoqarpallu Tusass nittartakkamini ilisimatitsissaaq.
