Tussiarfissuarmik Danmarkimi ullumi nalliuttuujunnaarsitsiniartut
Danmarkimi Folketingimi amerlanerussuteqartut tussiarfissuup atorunnaarsinneqarnissaanik ullumi taasinissaat naatsorsuutigineqarpoq.
Inatsisissatut siunnersuut ullumi marlunngornermi pingajussaaneerneqarluni taasititsissutigineqarpat, nalliuttup atorunnaarsinneqarnissaa aalajangerneqassaaq. Tussiarfissuulli atorunnaarsinneqarnissaa amerlanerussuteqartut taasissutigissappassuk, tussiarfissuaq Danmarkimi ukioq manna naggammik atuutissaaq.
Siunnersuut naalagaaffiup saqqummiutereeraalu oqallisigineqangaatsiarpoq.
Ileqqoq atorunnaarsinneqarpat, kattuffiit sulisitsisullu sulisartut isumaqatigiissut malillugu qaqugukkut sulisassanersut namminneerlutik aalajangertussanngormassuk ilaatigut isornartorsiorneqangaatsiarpoq.
Nalliuttup naalagaaffimmit atorunnaarsinniarneqarnera palasinit arlalinnit "aliasuutigineqarpoq".
Naalagaaffilli naapertorlugu ullut suliffiusut ukiumut amerlinissaat kissaatigineqarpoq, taamaalilluni naalagaaffiup karsiata illersornissaq, peqqinnissaqarfik mingutsitsinnginnerulernissarlu aningaasalersornerulersinnaaniassammagu.
Radikale Ventrekkut tapersersuinerinnaatigut naalagaaffik siunnersuummut amerlanerussuteqarpoq.
Tussiarfissuaq Danmarkimiinnaq atorunnaarsinniarneqarpoq. Tussiarfissuaq nunatsinni Savalimmiunilu atuutiinnassaaq.
