Ujaasineq annertusineqartoq: SAR-imik ujaasinermi Hans Petersen qulimiguulimmik ujaarineqassaaq

Aasianni Politiit inuit naqqup-iluani, quini, toqqorsivimmi assigisaannilu ujaasinissaannik kaammattuuteqarfigeqqippaat.

Allattoq Christine Hyldal

oktobarip 18-at 2022 12:38

Hans Petersen Aasianneersoq tammaaneqartoq pillugu suli takussutissarsisoqanngilaq.

Kalaallit Nunaanni Politiit angummik 24-nik ukiulimmik ujaasinerminnik nalunaaruteqarnermi aqaguani taama nalunaaruteqarput.

Taamaammat illersornissaqarfiup qulimiguuliutaa SAR-imik ujaasinermi atorneqartartoq aallartinneqarpoq, tamatumalu saniatigut Aasianni politiit inuit quini, toqqorsivinni naqqup ataani assingusunilu ujaasinissaannik kaammatuuteqaqqipput. Politikommissær, Brian Thomsen taama nalunaaruteqarpoq.

Hans Petersen ilaquttaminit oktobarip ulluisa 15-ianni arfininngornermi nalunaaqutaq 22.47 maqaasineqartutut nalunaarutigineqarpoq. Taakku angut 24-nik ukiulik Aasianni ilinniartut ineqarfianni inigisaminit arfininngornerup ullaasaani nalunaaqutap sisamat missaani animmalli tusarfiginagulu takoqqissimanngilaat.

AAMMA ATUARUK Politiit angut 24-nik ukiulik Aasianni ujaaraat

Politiit oqarnerat naapertorlugu Hans Petersen ”nanertisimalluni” anisimavoq.

Hans Petersen 165 centemeterip 170 centimeterillu akornanni angissuseqarpoq, naatsunik qernertunik nujaqarpoq, kingullermillu takuneqarami uku atorpai teqqiaq qernertoq, kavaajaq Arcteruximik meqqilik tungujortumik taartumik qalipaatilik, tujuuluk qaqortoq qarliillu qernertut.

Angut takuneqarsimaguni politiit oqarasuaammut 70 14 48-mut attavigineqarsinnaapput.

Nutaarsiassami kukkunermik nassaarsimaguit uunga allaffigineqarsinnaavugut.