Ukrainemi saputit annerit ilaanni ajunaarnersuaqarataannaanera aarlerisaarutigineqartoq
Russit sakkutuuisa Ukrainep kangisissuani nunap immikkoortuani Khersonimi saputit annerit ilaannik saassusserataannaanissaat ernummatigineqarpoq.
Sakkutuut saputit tassungalu atatillugu nukissiorfik ulluni kingullerni qaartartulersorsimavaat. Ukrainep præsidentiata siunnersortaa, Mykhajlo Podoljak, sisamanngornermi unnukkut taama oqarpoq.
- Rusland ajunaarnersuarmik pilersitsiniarsarivoq, præsidentip Volodymyr Zelenskyj-p siunnersortaa oqarpoq.
AAMMA ATUARUK Saudi-Arabia USA-lu milliartilikkaanik Ukrainemut nassiussipput
Kakhovkami tasiliami 18 millionit kubikmeteritut annnertutigisumik imeqartoq, USA-mi isummersuisit Institut for Krigsstudierimeersut oqaatigaat.
Taanna aserorneqassappat Ukrainep qiterpasissuani illoqarfeeqqat qarsutsinersuarmik eqqorneqarsinnaapput. Khersonimi sapusiaq Kakhovkap tasiliaaniiittoq Ukrainep qiterpasissuaniippoq, kuussuup Dneprip sineriaaniilluni.
