Ukranemiut Khersonimi sakkortuumik saassusisoqassangatikkaat
Ukrainep kujasinnerusortaani nunap immikkoortuani Khersonimi sakkortuumik akersuuttoqarnissaanik piareersartoqarpoq.
Oleksij Arestovytj taama oqarpoq. Taanna Ukrainep præsidentianut, Volodymyr Zelenskyj-mut, siunnersortaavoq.
Ukrainemiut saassussinissaminnut piareersarneranni, russit illoqarfik Kherson illersorniarlugu piareersarput.
- Arlaannaalluunnit tunuarternissaminnut piareersimanngillat, Oleksij Arestovytj oqarpoq
Khersonimili akersuunnissaq sakkortunerpaat ilagissagaat, taassuma ilimagaa.
AAMMA ATUARUK Ukrainemi saputit annerit ilaanni ajunaarnersuaqarataannaanera aarlerisaarutigineqartoq
Russinik illersuisut oqartussaasui Khersonimiittut Khersonimi innuttaasut piffissami kingullermi qimagussortippaat.
Taakku saassussisoqartinnagu qimagussortinneqartut russit oqarput, aallarussorneqartulli Ukrainemiut oqarlutik.
Ukrainemiut qaartartunik ulorianartunik akulinnik atuinissaminnik qunusaarisimasutut Ruslandimit pisuutinneqarput.
Russit taama passiulliuteqarnerat ilumuunngitsoq, NATO-mit, Ukrainemit USA-millu oqaatigineqarpoq.
Ukrainemi nunap immikkoortua Kherson, Ukrainemi pingaarutilittut inissisimavoq.
