Ukrainemiut nunamik kujasinnerusortaani akisillutik saassussisut

Ukrainemiut nunamik kujasinnerusortaani ilaatigut Khersonimut russit tiguarsimasaannut akisillutik saassussinertik aallartikkaat, ukrainemiut sakkutuuisa oqaaseqartitaat Natalia Humenuk Ukrainep naalagaaffiata tv-qarfianut oqarpoq.

Ukrainemiullu akisillutik maanna saassussinerat russinut qularnanngitsumik assut nukillaarsaataasoq, taassuma aamma oqaatigaa.

AAMMA ATUARUK Nakkutilliisitat Ukrainemi atomip nukinganik nukissiorfissuarmi misissuiniartut

Ukrainemiut akisillutik saassussinerat aallartittorlu nunat tamalaat atomip nukinganik atuinermut nakkutilliisitaat Ukrainemi atomip nukinganik nukissiorfimmut takusaallutik tikissapput.

Ukrainemiut sakkutuui nunamik kujasinnerusortaani illoqarfiit ilaanni Nova Kakhovami russit aamma tiguarsimasaanni miloriuttakkanik qaartartumeerisaqattaareerneranni imeerullunilu innaallagiaaruttoq, russit atorfilittaasa ilaat russit nutaarsiassaqartitsiviannut RIA-mut ilisimatitsipput.

Nova Kakhova illoqarfiup umiarsualiveqarfiup Khersonip kangianiippoq.