Ukrainemiut erfalasui amerlasuut russit sakkutuuisa Khersonimit tunuarterneranni amuneqartut

Ukrainemi nunap immikkoortui 40-nik sinneqartut illoqarfiup Khersonip eqqaaniitttut russinit tiguarneqarsimasut Ukrainemiut sakktuuisa tiguaqqippaat.

Ukrainep præsidentia Volodymyr Zelenskyj taama oqarpoq.

Ukrainemiut sakkutuui nunap imkkoortuinik tiguaaqqinnerannni, russit sakkutuui Khersonimit tunuarterput. Kherson Ukrainep kujasinnerusortaaniippoq.

AAMMA ATUARUK Ministeri: Russit Khersonimi sakkutuuisa tunuarternerat minnerpaamik sapaatit-akunneranik sivisussuseqassaaq

- Ukrainep kujuasinnerusortaanit ajunngitsunik nutaarsiassaateqarpugut.

- Ukrainemiut erfalasui amerlasuut sakkutuut Kherson illersorniarlugu illiuuseqarneranni naapertuuttumik inissaannut amuneqarput, Ukrainep præsidentia Zelenskyj oqartoq nutaarsiassaqartitsivik dpa allappoq.

Qaartartut tusintilikkuutaat suli qaartinneqarsimanngitsut russit sakkutuuinit qimaannarneqarsimasut, Zelenskyjip oqalugiarnermini ilanngullugit mianersoqqussutigai.