WWF: Uumasut najortagaat pinngortitarlu nungukkiartupiloorput
Nunarsuarmi uumasut nujuartat ulorianartorsiortitaanerat ilisimatuut qangarsuarli ilisimavaat.
Uuumasut nujuartat sukkaqisumik ulorianartorsiortitaasut, Pinngortitaq pillugu nunarsuaq tamakkerlugu suliniaqatigiiffiup WWF-ip nalunaarusiaani nutaami atuarneqarsinnaavoq.
Pinngortitaq uumasullu nujuartat najortagaat sukkaqisumik nungukkiartorput, ukiuni kingullerni 10 millionini nalaanneqarsimanngitsumi.
Uumasut nujuartat 1970-imiilli 69 procentinik ikileriarput.
Uumasut nujuartat ikileriarujussuarnerat WWF-imi ernumanartinneqarpoq.
AAMMA ATUARUK Naasut uumasullu assigiinngitsut 4.400-t missaat nungutaanissamut aarlerinartorsiortut
Uumasut assigiinngitsut nungutaagaangamik uterteqqinneqarsinnaanngillat.
Uumasut assiginngitsorpassuit annaaneqartut siunissami kinguaariinnullu tulliuttunut annertoqisumik kinguneqartartussaasut, WWF Danmarkimi pisortaq Bo Øksnebjerg oqarpoq.
- Uumasut nujuartat ikiliartuinnassappata inuussutissanik amigaateqartoqalissaasoq, sumiiffiit annertoorujussuit panernersuaqalissasut silallu pissusaanik ajornartorsiornerulertoqassasoq nalunaarusiami erserpoq, taanna oqarpoq.
Uummasut miluumasut, timmisat, aalisakkat uumasullu paarmortut 5000-nit ikinnerunngitsut misissorneqarnerat nalunaarusiarineqarpoq.
