Aallaammik tigummiarneq: 29-nik ukiulik 1.000 koruuninik akiligassinneqartoq

Kalaallit Nunaanni Politiit angutit marluk tamarmik immikkut aallaasillit arfininngornermi tigusaraat.

Taakkunannga ataaseq Ilulissaniippoq aappaalu Qeqertarsuarmiilluni.

Qeqertarsuarmeersoq 29-nik ukioqarpoq. Taanna 1000 koruuninik akiligassinneqarlunilu aallaamminik arsaarneqarpoq.

Kalaallit Nunaanni Politiit taama paasissutissiipput.

Ilulissani pisoq suli naammassineqanngilaq. 23-nilli ukiulik 29-inik ukiulittulli iperangaareerpoq.

AAMMA ATUARUK Ny politistation er på vej i Ilulissat: Den gamle mangler afhøringsrum

Kalaallit Nunaani Politiini pigaartut pisortaata, Preben Kleistip, pisut taakkua tamarmik arfininngornermi ullaakkut pisut oqaluttuaraa.

- Ilulissani innuttaasut arlallit ullaakkut tallimanngortoq siarngupput, taakkua angut aallaaserluni angalaartoq illoqarfiullu immikkoortuani Atersuani seqqortoq oqarput, pigaartut pisortaat oqarpoq.

Politiit 23-nik ukiulik Ilulissani pisoqarfiliaramik tigusaraat. Angut taanna imigassartorsimavoq.

Seqqunngitsoq

Qeqertarsuarmi 29-nik ukiulik arfininngornermi ullaakkut tigusarineqarami aamma imigassartorsimavoq.

Taannali seqqorsimanngitsoq aallaaserlunili maanna arsaarinnissutaareersumik angalaarsimasoq, pigaartut pisortaat oqarpoq.

Politiit Ilulissani pisumut atatillugu innuttaasunit suli tusagaqarusupput.

AAMMA ATUARUK Politiit Tasiilami toqutsineq pillugu: Toqutaasoq angutaavoq aqqali naluarput

- Seqqortoqarnerani aseruisoqarsimappat taava politiinnut saaffiginnissutigineqassaaq, Preben Kleist oqarpoq.

Inunnik pisuni taakkunani marlunni ajoqusertoqarsimanngitsoq taassuma uppernarsarpaa.

Politiit oqarasuaataata normua tassaavoq 701448.